UNSEEN TEXT


নোংমা থোইবীগা মচানুপাগা লবুক্তা থবক্ শূরিঙৈদা থোইবীনা ঈরুজরুগে হায়্দুনা তুরেল্দা লাক্লম্মী | মহাক্না ঈশিংগী ঈরৈদা ইন্খত্লক্লিবা নুপীমচা অমগী হক্চাং উবদা পাখত্তুনা মচানুপা চাওতোনবু থুনা লাক্ উ হায়্দুনা কৌরম্মী | মমাগী য়াম্না পাখত্না কৌবা মীকৌদু তাবদা নুংশা থীবা অমগা লোয়্ননা কৈদৌরবনো হায়্দুনা চেল্লক্লম্মী | মমানা তুরেল্ ময়ায়্দা তাউদুনা লৈরিবা হক্চাংদুদা খূদোম্বী থিল্লম্মী ঈশিংগী ঈরৈসু অসুক্কী মতীক্ কল্লম্মী |
তোম্বানা কল্লবা ঈরৈদুদা চোংথদুনা ঈরোইরগা নুপীদু তপ্না তাপ্না চিংদুনা পুরক্লম্মী , তোর্বান্ য়ৌরবদা নুপীদু ফৈবম্ননা পম্খত্তুনা মমাগী মনাক্তা থম্লম্মী থোইবীনা নুপীমচা অমা ঈশিংদা তাওদুনা লৈরে হায়্না লাউবদা খুঙ্গংগী মীশিংসু তারদুনা মফম্ অদুদা লাক্লম্মী | মখোয়্না নুপীমচা অদু উবদা শিরে হায়্রম্মী , খরনদি শিদে হায়্দুনা মরৈ য়েত্লম্মী | অদুবু কনা মত্তনা কৈদৌরগা ফগদগে হায়্বদুদি খন্নরম্দে তোম্বাদি নুপীমচাদু থম্লম্লগা করিমত্তা হায়্রম্দনা চত্খিরম্মী | মহাক্না ৱা অনীখক্ পুরক্লগা শগাই শারগা নুপীদু হিপ্হল্লগা ময়ূম্ তান্না নুপামচা খরগা লোয়্ননা পুরম্মী |
খুল্দুগী মীশিংনা লৈশাবীদু কনাগী মচা মশূনো করম্বা খুল্দা লৈব মীনো মমিংনা করি কৌবনো হায়্বা কনামত্তনা খঙ্লম্দে | মথন্তা শিজগে তৌবরা ঈরুজবদা নত্ত্রগা ঈরোই বদা ঈরাক্নবরা নত্ত্রগা লাক্মিন্নবশিংনা মাবু হুন্দোক্লম্বরা পাউ খুম্ ফংদ্রবসু লোই বা নাই দবা ৱাহং ময়াম্দুদি অমগী মথংদা অমা হংনদুনা ৱারী পংশাদ শান্নরম্মী |
থোইবীগী মচানুপী অমত্তা লৈরম্দে অদুনা মহাক্না কন্বীরিবা নুপীমচা অদুবু য়াম্না নুংশিরম্মী মচানিংঙোল্ অমত্তং লৈজরবদি হায়্না খল্লক্পদু ঈশ্ৱর্না উবিরমাল্লে হায়্না খল্লম্মী | অদুবু ঙক্লিবদি লৈশাবী অদু কনাগী মচা মশূনো হায়্না হংবদা মহাক্কী কনাসু লৈত্রে হায়্বা নত্তনা অতৈ পাউ খুম্ অমত্তা নুপীমচা অদুদগীদি লাক্ত্রে |
অয়াম্বা মতম্দা তোম্বা দি কোক্তা ফি মচা অম য়েত্কল্লি লবুক্তা থবক্ শূবদসু ফি অদুমক্ য়েত্লি মখোয়্না থবক্ শূবা চত্খ্রিঙৈদা চাউবিনা মথন্তা য়ূম্ শঙ্দুনা লৈহৌই | থবক্ শূফম্দগী তোম্বানা য়ূম্দা চাক্ থক্নবা লৌরুগে হায়্দুনা হেক্হেক্ লাক্লম্মী চাউবিনা মাগী য়ু থক্নবা ৱানা শাবা উতোংদু খূত্থেংননা পীরম্মী |
নোংমা খুল্গী নুপামচা নুপীমচাশিংনা জঙ্গল্দা ৱাগী উতোংশিং খোম্জিন্বা চত্লম্মী নুপীশিংনা অশুক্পা জঙ্গল্দা চত্তিউনা অথৌবা শীংজংনা ৱাশিং য়াল্লী অদুগা মকক্মকক্ কক্থত্লি নুপীশিংনা অকক্পশিংদু খোম্জিল্লগা থুমোক্তা হাপ্চিল্লি তোম্বা গা চাউবিগসু ময়াম্ চত্পদা য়াও রম্মী তোম্বা গী কোক্তা য়েত্লিবা ফিদু করিগুম্বা নান্থরক্লবসু নত্ত্রগা কোম্লবসু চাউবিনা হেক্ হেক্ য়েত্পি |
জঙ্গল্দু পাখং লৈশাবীনা পীক্থল্লম্মী নুতিগীদি মখোয়্অসুম্না চত্পা নত্তে অখন্নবা নুমিত্; অমদা অসুম্না পুল্লপ্ পুল্লপ্ চত্লি লৈশাবীশিং অদুনা চীংদা হৌবা উহৈশিং অমদি অতৈ চাবা য়াবা পোত্লম্ কয়াসু হেক্লম্মী | মখোয়্ অমগা অমগ অসুক্কী মতীক্ নুংশিননরম্মী মখোয়্না হরাও না খুনুং ঈশৈ কয়া অৱায়্ অখুম্ তৌনদুনা শক্লম্মী| মখোয়্ মশেল্ পাউখোঙ্ চন্নদুনা ফাগী জুগৈ তৌনদুনা হরাও না লৈরম্মী |
লৈশা পাখং ময়াম্ লাঙ্দুনা মাগী মাগী থবক্শিংদুসু কন্না তৌনরিঙৈদা চাউবিনা নাগুদা নাগুদা হায়্না হৌনা য়াম্না পাখত্না লাউ রম্মী তোম্বা না মাবু কৌবদু তারদুনা চাউবিগী মনাক্তা লাক্পদা অচৌবা লিন্ অমনা চাউবি তম্না লাক্পদু উরম্মী | চাউবিদি মশাদু কিখিবনা থক্ থক্ নীক্লম্মী তোম্বা না ৱা অমত্তা ঙাংদনা লিন্দু করম্বা জগাদা পায়্রগা মঙোন্দসু চীক্তনবা হত্গদগে হায়্না মীকুপ্মুক্ খল্লবা মতুংদা মকোক ময়াদা কন্না লৈজবী থাদুনা পায়্শিল্লম্মী চাউরবা লিন্দুনা তোম্বা গী মশাদা মমৈগী শরুক্শিং অদুনা য়েত্শিল্লক্লম্মী |
মীয়াম্দু চেন্শিল্লক্তুনা তোম্বা গা লিন্দুগা অচৌবা লান্ফম্ অমাগুম্ থ্ৱায়্ খূবাক্তা হাপ্তুনা লান্থেংনবদু য়েংলম্মী নাগুনা খূত্পায়্ চেত্না পায়্খিবনা লিন্গী মকোক্তু লেঙ্বা ফাওবা ঙম্লম্দে মহাক্না য়াম্না হৈ শিংনা মশাপুম্বা য়েত্খ্রবা লিন্দু মখূত্ নামদুনা অথৌবা শীংজংদু পায়্রদুনা মতূপ্ কয়া থোক্না কক্লম্মী মাগী মশাপূম্বা ঈনা পুম্লুপ্ লূপ্লম্মী |
চাউরবা লিন্ অদুবু তোম্বা না মকক্ মকক্ কক্তুনা হাত্পা অদুদা চাউবিদি য়েংবদা কিখিবনা ৱান্থগে তৌরম্মী মহাক্না মশাদা পক্লিবা ঈ ময়াম্দু ঈশিংদা চাম্থোক্লম্মী মখোয়্ ময়াম্ হরাও না হল্লক্মিন্নরম্মী |
তোম্বাগী মখুরা খম্বা না উনাদগী শেম্বা হীদাক্ লাংথক্ পীরক্তুনা অশোক্পা মশাশিংদু তৈরম্মী থক্সু থক্লম্মী অদুগা য়ূম্দা শেম্বা অশেংবা য়ুদুসু পীথক্লম্মী |
চাউবিগা মচানুপা তোম্বা গা অসুক্কী মতীক্ থম্মোয়্ তিন্ননা নুংশিনৈ হায়্বসি মপা মমাসু হায়্ফেত্ খঙ্লম্মী মখোয়্গী মওং মতৌশিংদু মমানা কূপ্না শেন্নরম্মী | চাউবিবু তোম্বাগী মমানা মচানুপীগুম্না নুংশিবনিনা মমৌ ওইনা লৌশিন্বদা পাম্দবা অমত্তা লৈরম্দে অদুমক্পু মচা অমসুং চাউবিগী মচীন্দগী পাউখুম্ অমত্তং তাবা পাম্লম্মী মরম্দি মখোয়্ সমাজ্দা নুপীবু নম্দুনা লৌবগী ৱাফম্ লৈরম্দে |
তোম্বাগী মমানা চাউবিবু মমৌ ওইজরগে হায়্বা ৱাফম্দুদি মহাক্না হান্না পাম্দুনা লৈরবনি অদুগীসু মথক্তা মপা মমা শক্না লৈজরবনিনা ৱাফম্দু হায়্রক্পদা মখোঙ্ শোক্না খুরুম্লম্মী | খুল্গী মীশিংসু নাগুরাইগা চাউবিগা লুহোংলনি হায়্বা ৱাফম্দু তাবদা হরাও রম্মী মখোয়্না য়ূম্দা লাক্তুনা নুংঙাইবা ফোঙ্দোক্লম্মী |
লুহোংবগী নুমিত্ অদু খুল্গী পুরোহিত্কা তান্নদুনা অফবা নুমিত্ অমা লেপ্লম্মী | লুহোংবসিগীদমক্ চনা থক্নবা কয়ামরুম্ লাঙ্লম্মী অরাপ্ অরাপ্পদা লৈখিবা মরূপ্ মপাং মরী মতাশিংদসু বার্তন্ থাখিরম্মী |
মমাংঙৈদা য়াম্না পঙ্বা য়াম্নসু লাইরবা থেম্বুং কৌবা লৌমী অমা লৈরম্মী | মানা নুংতিগী লবুক্তা মাগী লৌদু য়েংশিন্বা চত্লম্মী ফৌনানা লেঙ্ লেঙ্ চত্তুনা ফৌনা জুম্জুম্ চরোং চরোং পান্বদু উবদা লৌমীদুনা কুম্সিদি ফৌ য়াম্না থোক্লনি হায়্না হরাও জরম্মী নুংশাগী মৈশাদা ৱানা থবক্শূরুবদু সনামচুগী ফৌগী চরোংদু উবদা অৱাবা পূম্বা কোক্লম্মী |
নোংমদি মানা লবুক্তা লাক্পদা মাগী ফৌদু শা ষন্না চাথোক্খিবগী মফম্ইতাক্ তাক্লদনা খরনা ইনৈ নৈখায়্রদনা লৈবদু থেঙ্নরম্মী | মদু উবদা শাউ মন্খিদুনা লৌমীদু মথং নোংঙান্বদা ঙন্তা লাক্লম্মী | অদুদগী অমুক্কা হেন্না চাথোক্তুনা নৈখাইবা হেল্লম্লে অয়ুক্ নুংথিল্দদি চাদ্রদুনা নুমিদাংদদা চারিবা শাশি করম্বা শানো খঙ্দদি খঙ্লগে হায়্দুনা অহিং লেক্লগে খল্লম্মী | মহাক্না নুংঙাই তনা লাক্পদু উবাদা মাগী নুপীনা কৈদৌরবগে হংলম্মী লৌদা তৌহৌরিবা ময়াম্দুগী ৱারী লীরম্মী ফৌ য়াম্না লোক্লনি হায়্না হরাও রুববু দশা তারে হায়্দুনা লৌমীদু কপ্নীং কপ্নীং তৌরম্মী |
চাউবীনা মপুরোই বগী য়াম্না নুংঙাই তবা মতৌদু উবদা মানা হেন্না থৱায়্ শোক্লদুনা নুমিদাংদদা চারিবা শাদু মশক্খঙ্ননবা লবুক্তা অহিং লেক্লুরো মহাক্ঙন্তানা চাক্ থোংলগে হায়্দুনা চাক্খুম্চঙ্খিরম্মী |
থেম্বুংনা লবুক্তা লেক্লুনবা ঙন্তা লাক্লে ফৌনা পুম্ঙাং ঙাংনা মুল্লক্পসিদা উচেক্ ৱায়া কয়াসু চাবা লাক্ই থেম্বুংনা চৈ অমা পায়্দুনা তান্থোক্ই লাউই হোয়্য়া য়ায়া হো য়া য়ায়া নুমিত্ ময়ূম্ চঙ্লক্লে মহাক্না লৌরি ময়াদা লুম্দুনা লৈরে মম্শিল্লক্লবা অদুদদি উচেক্শিংসু মকোন্ মকোন্দা চঙ্নখ্রে খোঙ্লম্বা ময়াম্দু উন্ৱাই মুক্ চীক্খ্রে |
খরা থেঙ্জিল্লক্লবা অদুদদি থেম্বুংনা শ্রো শ্রো লাউ বগী মখোল্ অমা তারে | কদোম্দগীনো হায়্দুনা থেম্বুংনা কোয়্লৈ লৈদুনা য়েংই প্রেক্ প্রেক্ শায়্বগুম্সু তৌই | লৌরিদুদা তপ্নাতপ্না শহুম্ তাখিনি মতাগুম্ শেত্লিবা খুদৈদু অমুক্কা হেন্না তাখত্লদুনা মখোল্ তারিবা অদোম্দা চঙ্শিল্লি খরা চত্লগা শামু অঙৌবা অমনা অমুন্বা ফৌ ময়াম্ চাথোক্ই | বদু উরে খঙ্গনিদো ঙসিদি হেক্তা ফারগা লোই রেভুম্মাঙ্লোম্দা চত্লবদি মাবু উবদা চেন্খিনি অদুনা তুংলোম্দগী লোন্না হেক্তা চত্লগে অদুগা খুদুংগী মখোঙ্দা কোল্লুরগে হায়্দুনা তাপ্ কোল্লুরে শামুদু খঙ্প্রেক্ খংদুনা খোঙ্ই অদুগা অতিয়ারোম্দা পাই খত্লক্লে |
থেম্বুংনা হায়্মা হায়্মা করিনো শামু অঙৌবা অসিদি অতিয়ারোম্দা পাই খত্লক্লে চেত্না কোন্দ্রবদি তাহৌরনি হায়্দুনা চেত্না কোল্লে কিসু কিরে পাখত্পা অমসু য়াও রে মখাদা য়েংথখিবদা মখাগী পোত্শিং উৱা য়ূম্নচিংবা অমত্তা উরক্ত্রে | থেম্বুংনা করি মতৌনো ঙসিসিবো পূক্নিংদা মওল্ মওল্ খল্লিঙৈদা শামুদু খঙ্লেপ্ লেপ্খ্রে | মহাক্পু মফম্সিদা থম্বীরম্লগা শামু অঙৌবদু চঙ্খ্রে |
মহাক্পু থম্বীরম্লিবা মফম্ অদুদা থোঙ্ঙাক্পা অমা লৈরম্মী মহাক্না অহিংবা তাইবঙ্ মী অমা শামুগা লোয়্ননা লাক্পদু উবদা ঙক্লদুনা মহাক্পু তাইবঙ্ মীরা খোই য়ুম্ লাই রা করিগী মফম্ অসিদা লাক্লিবনো হায়্দুনা হংলম্মী |
থেম্বুংনা খুম্লম্মী ঐহাক্তাই বঙ্ মীনি শামু অঙৌবসিনা ঐগী লৌ চাথোক্খিবদগী শাউ মন্খিদুনা লোন্না লুম্মগা মাগী মখোঙ্ কোন্দুনা ফারুবদগী পাই খত্লক্তুনা মফম্সি য়ৌরক্লিবনি|
অদুদি লাই নিংথৌ সোরারেল্গী সনা নাক্তা চঙ্দুনা ৱাফম্দু হঙ্গত্লুরসি লাক্ও হায়্দুনা থেম্বুংবু পুরগা চত্লম্মী |
থেম্বুংনা খল্লি লাই নিংথৌ সোরারেল্ হায়্বদু ওইবা তারে পুম্লং লংনা সিংহাসন্ মথক্তা ফম্লিবসি ওন্থোক্না ফজরেদা মমল্ য়াম্ল য়াম্লবা সনা লুপাসু শি শেত্লিবা ফিজোল্শিং অসিবু লংত্রিক্ ন্লংনা পূম্ঙল্ ঙাল্লি |
থোঙ্ঙাক্পনা, লাইনিংথৌ সোরারেল্দা খুরুম্লদুনা নুপাদুনা লাক্পগী ৱাফম্দু হঙ্গত্লম্মী |
লাই নিংথৌ সোরারেল্না মাগী ৱাফম্দু মুন্না তারবা মতুংদা হায়্রক্ই | নঙ্গী লৌ শামুনা চাথোক্খিবগী মমল্ ওইনা ঐনা নঙোন্দা সনা খঙেন্ লুপা খাউ জাউ পীগনি | নপূক্নিংদা লৌ চাথোক্খ্রে হায়্দুনা করিমত্তা নুংঙাই তবা তৌরুনুকো অদুগা মনাই শিংদা য়াথং তৌরক্ই কনা লৈ সনা লুপা খাউ জাউ খাউ জাউ পুরক্উ |
সনাশিংদু পুরক্লবা মতুংদা লাই নিংথৌ সোরারেল্না আয়্রক্ই তারবরা নুপা ঐনা পীরিবা সনা লুপাশিংসিনা নঙ্ নুংঙাই না পান্জরুরোকো |
থেম্বুংদি সনাশিংদু লৌশিল্লগা মচি লেঙ্দনা লেপ্তুনা লৈখ্রে | মানা চত্তবদু উবাদা লাই নিংথৌনা ঙক্লদুনা কৈদৌরে হায়্না হংবদা পোত্শিং অসিবু কম্দৌনা পুরগা মীরম্লেন্দা চত্কদগে হায়্দুনা কপ্নীং কপ্নীং তৌরক্লে |
চুম্মিনে নথন্তদি কম্দৌনা চত্কনি তারিবরা শামু অঙৌবা নুপাসি অমুক্তা মীরম্লেন্দা থিন্বিরুচো অদুদি লাই নিংথৌ ননাই অমুক্ চত্চরুরগে থেম্বুংনা নিংথৌদা খুরুম্মী
শামু মথক্তা নীংথিজনা তোংলগা চত্লুকো কন্না কোল্লুকো চত্লো চত্লো |
থেম্বুংনা সনা লুপাগা কোন্ননা শামু তোংলগা লাক্পদু কয়াদি থুনা ময়ূম্ য়ৌরক্খ্রে শামু অসিসু ওন্থোক্না শিংখ্রবা শামুনি য়ূম্ফাও বা খঙ্মল্লে মাঙ্গোল্দা থম্বীরম্লগা পাই খ্রে ইস্ য়াম্খ্রেদা সনাশিসিদি চাউ বীনা উরবদি ওন্থোক্না হরাও জরনি |
থেম্বুংনা মাগী নুপী কৌথোক্তুনা সনাশিংদু থাংজিল্লে চাউ বীনা হরাও খিবদি অঙক্পনি ঙাই হাক্তুদা মফাং মফাংবা ৱাখল্ কয়ামুক্নি মথম্মোয়্দা লাইনিংথৌ সোরারেল্বু ঙম্খৈ লৈতনা থাগত্লি চহী চূপ্পা কায়্ কায়্দুনা চারফাও লোইবা নাই ররোই খন্জৈ |
থেম্বুংনা অসুক্ থুনা নুংঙাই খত্লক্পসিদা লৈকায়্গী মী খরদি কল্লক্ খম্বন্বা য়াও রম্মী লৈকায়্দুদা য়াম্না শিংবা নুপা অমখক্তি ময়ূম্দা চত্তুনা থেম্বুংনা নুংঙাই খত্লক্পগী মরম্দু কূপ্না হংলম্মী সোরারেল্না পীরক্পা সনা লুপাশিংদুগী মরম্দা থেম্বুংনা ৱারী পূম্নমক্ অমত্তা চীত্থদনা লীরম্মী | ৱারী পূম্নমক্ তারবা মতুং অশিংবা নুপাদুনা হায়্রক্ই ইতাও দি পৈশা পায়্রবনিনা ফৌ থম্ননবা অচৌবা কৈগা য়াম্না শারে য়াম্না থুনা ইনাক্খুন্বা মী অমা ওই রে অদুবু ইতাও দা হংনিংবা অমদি শামুদুবু নুংতিগী লাক্প্রা |
লাক্লম্গনি ইতাও অদুবু নুমিত্তুগী মতুংদগীদি অমুক্ হন্না য়েংলুদ্রে |
অদুবু ইতাও অমুক্তদি য়েংমিন্নরুসি করিগুম্বা লাক্লবদি ইতাও গা ঐগা মখোঙ্দু কোন্দুনা সোরারেল্গী মনাক্তা চত্মিন্নরুসি মদুদা পীরক্পা সনা লুপাদু তঙ্খাই য়েন্নসি ইতাও না চত্সি মহায়্রবনীনা হয়েং চত্লসি ঙসিদি ঐগী থবক্ ওই না লোই শিল্লগে |
মথংগী নুমিত্তা থেম্বুংগা মতাও চাউ বগা লবুক্তা চত্লে ফনা কুইনা লৌরীদা লুম্দুনা শামুদু লাক্পা ঙাইরে লাক্মন্দ্রদুনা হল্লসি হায়্না খল্লকান্দা শ্রো শ্রো লাউ বগী মখোল্অমা তারক্লে লৈরে হায়্দুনা শামু মনাক্ তান্না চঙ্লক্লে থেম্বুংনা তুমিন্ লৈয়ুকো ইতাও ৱা ঙাংগনু পাই খত্খিনিকো তুংলোম্দগী হেক্তা কোল্লগে তস্ কোল্লেদনা ইতাও নঙ্সু ঐগী খ্ৱাংসিদা হেক্তা কোল্লক্উ শামুসি পাই বা হৌরেকো ইতাও হায়্রক্ই |
চাউবনা খুম্লক্ই য়াম্না ৱাংনা পাইখত্লক্লে ইতাও লৈচিল্গা থেংনরমাল্লে ঈং ঈং লাউ ই হে চেত্না পায়্য়ু ঐদি নিংথম্বনা লোই রে নুংশিত্ য়াম্না শীত্লমাল্লে সোরারেল্ য়ৌগদবা কয়াম্ৱাত্লিবগে য়ৌরনি ইতাও ফনা ৱাংনা পাইরক্লে |
ইতাও ইতাওদা পীরক্পা সনা লুপাদুবু কয়াম্ য়াম্বা জাত্নো
য়াম্খ্রজাত্নি ইতাও খাঙেন্ খাঙেন্ খাউ জাউ খাউ জাউ নি
অদুবু কয়াম্ য়াম্বনো হায়্বা নঙ্গী খাঙেন্ খাউজাউ দুদি অমুক্তা উদ্রিবনিনা খঙ্দে খূত্ তম্মুনে য়াম্খ্রপোত্নিনে য়েংউ সে শুক্মুক্য়াম্না খূত্ থাদোক্লগা তম্বদুদা মখাদা খংতা তারক্ই | চাউবনা পাখত্না ইস্ ইতাও কম্দৌনি শোয়্রেদনা শিবা তারেদো মখাদা পাই থরেনে খঙ্হৌদনা লৈমায়্দা দুপ্ লাউ না তারক্ই | চাউবনা মখা থংলগা থেম্বুংনা মথক্ থংদুনা তারক্লে শাফূদু কন্মন্খিবনা চাউ বদু অয়ো ইমা হায়্রগা লৈমায়্দা ফর্ফর্ ওল্লে চৈনা খাঙ্বা ঙাম্লক্তরে থেম্বুংনা ইতাও ইতাও হায়্না কৌবদা খুম্লক্তরে অরোইবা স্ৱর্ হোন্খরে |
থেম্বুংনা মতাও বু হন্না হন্না কৌবদা খুম্লক্ত্রবা অদুদি শিরমালে হায়্না খন্দুনা খুল্গী মীশিং তাক্পা চত্লে | লৈকায়্ ময়াম্ চঙ্দুনা চাউববু পোত্লোই রে অপঙ্বা থেম্বুংদি মরায়্বক্তা নুংঙাই জৌ হায়্না তম্লক্পনিনা লাই নিংথৌ সোরারেল্না পীরক্পা সনা লুপা ময়াম্দুগা নুংঙাই য়াই ফনা পান্খি |


ৱারীমচাগী মমিং ইনাক্খুন্বগী লাইৱা |
থায়্না মমাংঙৈদা য়াম্না লাইরবা লুখ্রাবী মমা মচা লৈরম্মী মমা লুখ্রাবীনা থবক্ ৱানা শূদুনা মচানুপাদু লাইরিক্ তম্হল্লম্মী লৈকাইগী অহল্ লমন্শিংনদি লুখ্রাবী মমামচাবু নোক্নরম্মী | লাইরিক্ তম্লগা করিবু কান্নদোই নো ৱানা লাইরিক্ তম্দৌবগী শারুক্পুদি লৌউবনা ইংখোল্ কোই বনা হেন্না ফৈ হায়্রম্মী | অদুবু ফন্মক্য়াম্না নোক্নদুনসু ফৈ ফত্তে তর্ত তৌনরবসু মমামচানা নীংখিবা ফিরেপ্তুদি হোংলম্দে | অমুক্তংদি নুংঙাই য়াইফনা পান্গে হায়্বসি মমামচাগী ৱাখল্ ওইরম্মী |
লাইরিক্ তম্বা লোইরদুনা লুখ্রাবী মচাদু ময়ূম্দা হল্লক্লম্মী | মহাক্না কম্দৌরগা নুংঙাই য়াই ফবা মী অমা ওইবা ঙম্গদগে করিথবক্ তৌগদগে হায়্না নুমিত্ চূপ্পা খন্দুনতা লৈরম্মী | মমৈথঙ্দা খন্বমখৈ খল্লগা ৱাখল্ অমা লক্লম্মী মহাক্না খল্লিবা নীংলিবা অদুমক্ তৌরগে হায়্না চপ্য়ুংনা খল্লম্মী | মহাক্না নিংথৌদ দর্খাস্ অমা থারম্মী |
ইকায়্খুরুম্নজরিবা লাই নিংথৌ ইবুংঙো ঐহাক্ লাইরবা লুখ্রাবী অমগী মথন্তা পোক্চবা মচানুপানি লাই রিক্ লাই সু অমদি থাং তানচিংবগীবিদ্য়াসু তম্বা লোয়্জরে | ঐহাক্না লাই নিংথৌগী মফম্দা ৱাফম্ অমত্তং হাঙ্গত্চরি | মদুদি ইরম্দম্সিদা লাইরবা ময়াম্পীক্থন্না লৈরি অমুক্তংদি ঐহাক্না লাইরবা প্রজাশিং অসিদা ইনাক্খুন্বগী লাই ৱা অমত্তং পীজবা পম্মী | লাই নিংথৌগী য়াথং লৈরগদি ঐহাক্লাই ৱা অদু তাক্চগে | লাই নিংথৌনা ঐবু কুবিয়ু ইতি মাই রেম্বম্ মাই মু চাইরেল্ চিথি অসি নিংথৌনা হেক্ ফংবগা অঙম্ অথৌ মন্ত্রিনচিংবা ময়াম্ কৌখত্তুনা সভাদা পুথোক্তিনা খন্ন নৈনরম্মী | নিংথৌনা কম্দৌনা লাইরবা ময়াম্সিবু ইনাক্খুল্হন্বা ঙম্গদৌরিবনো ইনাক্খুন্বা তরানা লাইরবা অমা শৌগত্পা ঙম্দে হায়্বগী প্রমান্ লৈরিবনি অদুগা করিসু লৈত্রবা লুখ্রাবী মচা মানা নিংথৌ ঐবু শীংনরক্লিবরা ঐবু উশিত্ থওইদদুনা তৌরিবরা কনা লৈ লুখ্রাবী মচাদু কৌখত্লক্উ নিংথৌ ঐগী ইতিক্ খঙ্হন্গে |
মন্ত্রীনা খুম্লক্ই অমুক্তা তপ্থবীখিসি সনা ইবুংঙো লুখ্রাবী মচা মাগীসু অনীংবা করিগুম্বা অমা মরৈজরম্গনি মানা ইনাক্ খুল্হন্গদৌরিবদু কম্দৌননো হংখিসি মরম্দু হংলবা মতুংদা পীফম্ থোক্পা দন্দিসু পীসি |
অঙম্বা ময়াম্না লাউনরক্ই চুম্ই চুম্ই ইপু মন্ত্রীনা হায়্রিবসি লুখ্রাবী মচাদু অমত্তং কৌখত্লগা মচীল্হংবনা ফৈ | নিংথৌনা লুখ্রাবী মচাদু হৌজিমক্ কৌখত্লক্উ হায়্দুনা মনাই অনী থাখিরম্মী | শোম্দা নিংথৌগী মনাই অনীনা লুখ্রাবী মচাগী ময়ূম্দা থুংলরবদা নিংথৌগী ৱাফম্দু হায়্রম্মী মমা লুখ্রাবীদুনদি মচানুপাবু চত্হন্নীংলম্দে | অদুবু মচানুপাদুনা মমাদা করিমত্তা নুংশা থীবিরুনু ঐহাক্ নিংথৌগী মনাক্তা চত্তবা য়াদে |
মচানুপানা কোনুং চত্খ্রিবদু মমানা করি থোক্লগবা খন্দুনা নুংশা থিদুনা লৈহৌরম্মী |
কোনুং য়ৌরবদা মনাই অনীদুনা নিংথৌগী মনাক্তা পুশিল্লম্মী | নিংথৌনা নুপাদুবু মুন্না য়েংলগা হায়্রম্মী নঘাক্না ঐগী লাইরবা প্রজা ময়াম্বু ইনাক্খুল্হন্নবা লাইৱা পীগে হায়্বদু মানি লাই নিংথৌ মাইমুনা খুরুখুদক্ কূন্দুনা হঙ্গত্চরম্মী |
নিংথৌনা ঙংদুনা হায়্রম্মী করিগুম্বা নঙ্না লাই রবশিংবু ইনাক্খুল্হন্বা ঙম্দ্রবদি অঙাং ওল্হন্গদবনি খ্ঙ্লবরা লাই নিংথৌগী য়াথং ইকোক্নোন্না লৌজরি তৌবতবু লাই ৱাঅসি ব্তাবিদ্রিঙৈগী মমাঙ্দা লাই নিংথৌনা ৱাফম্ অমত্তংদি য়াবিয়ু |
করম্বা ৱাফম্নো লম্দম্সিগী প্রজা খুদিংমক্না ননাই ঐঙোন্দা লুপা অমমম্তা খায়্হন্বিয়ু মদুগী মতুংদা লাইৱা অদু তাক্চরগে |
নিংথৌনা মাগী প্রজা খুদিংমক্তা শগোল্পাউ চেন্দুনা লুপা অমমম্খায়্ননবা পাউ চেন্থোক্লম্মী থীন্দনা মথংগী নোংঙান্বদা পৈশাশিংদু পুদুনা লাক্লম্মী |
নিংথৌনা প্রজা ময়াম্দগী খোম্গত্পা পৈশাশিংদু লাইরবা নুপাদুদা খূত্শিন্নরম্মী নুপাদুনা ফজরবা য়ূম্ অমা পৈশাশিংদুদগী শারম্মী | শাবা লোইরবা মতুংদা কোনুংদা লাক্তুনা নিংথৌদা হঙ্গত্চরম্মী লাই নিংথৌ লাইরবা ননাইনা লাইৱাদু তাক্চরগে প্রজাশিংবু কৌখত্পীরো |
নিংথৌগী য়াথং ফংবদগী মায়্কৈ মরিমক্কী প্রজাশিং শুনা তিল্লম্মী লাইরবা নুপাদুনা ময়াম্ মমাঙ্দা লেপ্খত্লদুনা হায়্রম্মী | ঐগী নুংশিরবা ইপা ইমা শক্লবা অহল্ লমন্ লাই গুরু ইচে ইচল্ ইয়াম্বা ইনাও শিংগী মফম্দা ঙসি ঐনা তাক্চগদৌরিবা লাইৱা অসিদি ইচম্ চম্বানি ঙসি করিসু লৈতবা লাইরখ্রবা ঐহাক্ লৈবাক্প্রজা ময়াম্না খায়্গত্পীদুনা পীবা শেন্ফম্ অদুনা ফজরবা য়ূম্অমা শাবতা নত্তনা শেন্থোক্ লম্বীসু ওইবা শিন্ফম্ অমসু পান্জরে | ঐহাক্কী ইমুংদা নত্তনা মী কয়া অমা শেন্থোক্ লম্বী পীজবা ঙম্জরে অসুম্না ময়াম্না মানা ঙম্বা শিন্থাদা শিন্বাংবীরবদি হিংবদা খুদোংচাদবা লৈরোই নুংঙাইবা ইমুং শোয়্দনা ওইগনি মসিখক্তনি ঐনা ময়াম্দা তাক্চগদৌরিবা লাইৱাদি মাই মুনা ময়াম্ মমাঙ্দগী থোরক্তুনা নিংথৌগী মফম্দা খুরুখুদক্ কূন্না খুরুম্দুনা হায়্জরক্ই | লাই নিংথৌ ইবুংঙো ননাইদা পীবিগদবা দন্দি লৈরবদি পীবিনবা ইকোক্ নোন্জরি |
মাই মুগী লৌশিংদুদা নিংথৌনা কোন্খত্পীরদুনা দন্দি পীবগী মহুত্তা অচৌবা ফম্ অমা পীরম্মী লাইরবা মাই মু মমা মচা য়াম্মা নুংঙাই না পান্খিরম্মী |
ৱারীগী মমিং সনাপোত |
থায়্না মমাংঙৈদা মমামপা অনীগী মথন্তা পোক্চবী মচানুপী তম্ফালৈমা কৌবী অমা লৈরম্মী মহাক্না য়ূম্লোন্নবা মমান্নবীশিংনা সনাপোত শান্নবদু উবদা মাগিসু অমা লৈবিয়ু হায়্দুনা মমাদা তক্নরম্মী মচাগী নিংঙাই দা খাঙ্বা ঙম্দ্রদুনা সনাপোত অমা লৈরম্মী | তম্ফালৈমনা মতম্ অয়াম্বদা সনাপোতদুগা শান্নরম্মী তূম্বদসু কোল্লগা তূম্মী চাবদসু মাগী শরুক্ তম্লম্মী | লৈশাবী ফারফাও সনাপোতদুবু সুক্থা থাদোক্লম্দে | চুং ফিরাল্চানা ফজবী তম্ফাবু মমৌ ওই ননবগী অহল্ লমন্ কয়ানা হায়্বা লাক্লম্মী মমা মপা অনীনা মচানুপীবু লুনা তৌগদবা মীওই য়েংদুনা অহল্ মশেল্ হায়্না শীংনদুনা লুহোংনবা ৱা লেপ্লম্মী | লুহোংবগী নুমিত্ নক্শিল্লাক্লবদা তম্ফানা মাগী সনাপোত অদুবু করম্না হুন্দোক্তুনা চত্কদগে হায়্না ৱাজরম্মী |
নোংমা অহিং অমগী মঙ্লান্দা সনাপোত অদুনা হায়্রম্মী | তম্ফা নঙ্না ঐগীদমক্ য়াম্না ৱাবিরে ঐবু নহাক্না নীংলিবা নুংশিবীরিবা অসিগীদমক্ নতেং পাংজগদবদি পীক্লবা কক্চেং খোয়া উচেক্ ৱায়াশিংনা ঙাংনবা মরোল্পুম্বা খঙ্বা ঙম্বা ওইজরো অদুগা ঐহাক্তি নঙ্না নয়ূম্ পান্বদা য়াওবা য়াদবনিনা লফু মখোঙ্দা ফুম্জিন্বিয়ু অসুম্না তাক্লম্লবা মতুংদা মঙ্ফাওনরম্মী |
মঙ্দা তাক্লম্বগী মতুংইনা তম্ফানা সনাপোতদুবু লফু মখোঙ্ তানা পুরম্মী মহাক্না লাই ধিদুদা ৱারৌনুকো ইতা নহাক্না তাক্লম্বগী মতুংইনা তৌরিবনি হায়্না মপি তানা কপ্তুনা সনাপোতদু ফুম্জিল্লম্মী |
নোংমা তম্ফালৈমনা চাক্ থোংবা লোই রদুনা ময়াম্ পীজখ্রবা মতুংদা মহাক্না চারিঙৈদা কক্চেং অমনা চাক্ মরু অমা মকোন্ তানা পুনবা হোত্নরম্মী | চাক্ অদু লৈবাক্তা নপ্শিন্দুনা লৈবদগী পুবা ঙম্দ্রদুনা মমান্নবা কক্চেং অমা হৌরদুনা পুমিন্নসি হায়্বদু তাবদা নোক্নীংলম্মী | তম্ফানা তিল কাঙ্ কক্চেংনচিংবা উরগা নোক্ফেত্ নোক্ফেত তৌবদুদা মনেম্বোক্নদি মমৌনুপীদু ছোনো চুবরা হায়্না খল্লম্মী | অসুম্না তোয়্না মতৌশিল্লক্পা অসিদদি মনেম্দু নোংম নোংমগী চিংনবা হেন্গত্লম্মী |
নোংমসু তম্ফানা থবক্ ইন্খাং তৌরিঙৈদা ক্ৱাক্ অমনা উপাল্ অমদা তোংলদুনা তুরেল্দা মী অশিবা অমা তাউরক্লে মখুত্তা য়ূবী খুদোপ্ য়াইওইবা অমা শিবনি লৌরু হায়্না খোঙ্লম্মী তম্ফানা মদু তাবদা পুন্অমা পায়্দুনা তুরেল্দা ঈশিং শোক্পা চত্লম্মী | মী অশিবা অমা তাউরক্পদু উরদুনা মনাক্তা চঙ্শিল্লগা য়েংবদা য়ূবী খুদোপ্ অমা শিবদু উরম্মী ক্ৱাক্না হায়্বদু শোয়্দ্রে হায়্দুনা খুদোপ্ অদু লৌতোক্নবা হোত্নরম্মী | অশিবা মীগী পোম্খত্লবা হক্চাং ওইবনা খুদোপ্তু ইরায়্ লায়্না লৌথোক্পা ঙম্লম্দে | মনেম্না মমৌদু ঈশিং শোক্পা চত্খিবদু কুই মল্লি হায়্দুনা য়েংবা লাক্পদা মমৌনা তৌরিবদু লাপ্না উরম্মী | মী অশিবা চাগদৌরিমাল্লে খন্দুনা মকুবোক্তা তাক্পা লাক্লম্মী | মকুবোক্সু মনেম্না তম্লিবা পাউদু অচুম্বরা হায়্দুনা য়েংবা লক্লম্মী তম্ফানা খুদোপ্তু লৌথোক্পা য়াদদুনা কন্না মুক্থোক্মুক্শিন্ তৌদুনা লৌথোক্নবা হোত্নবদু উবদা মনেম্না হায়্রিবা ৱাদু চুম্লে হায়্না থাজরম্মী |
তম্ফানা খুদোপ্তু লৌথোক্লবা মতুংদা ঈশিং পুন্দু পুদুনা কারক্লম্মী ময়ূম্ তৌবগা মনেম্মকু অমদি মপুরোই বনা মবু ঙাও রবনি হায়্দুনা থৌরীনা পুন্দুনা নিংথৌগী মনাক্তা পুরম্মী | তম্ফানদি মহাক্ ঙাও দে হায়্জরম্মী নিংথৌনা মহাক্কী চঙ্খোন্বা নুংশিবা মতৌদু উবদা মহাক্কী তালোয়্ ওই না লৌশিল্লম্মী নুপা অদুগীনা লৈশাবী অমা লুহোংবিরম্মী | নুমিত্ খরগী তুংদা নিংথৌগী শঙ্গায়্ মমাঙ্দা হৌবা হৈনৌদাব ক্ৱাক্না তোঙ্লদুনা অহুম্লক্ খোংলম্মী মদু তাবদা তম্ফালৈমনা নিংথৌদা হৈনৌ পাম্বী মখোঙ্দা মনি মতুম্ লৈরে তৌদুনা য়েংবিয়ু হায়্রম্মী | নিংথৌনা হায়্রিবদু চুম্বরা য়েংগে হায়্দুনা মনাই কৌরগা তৌহন্বদা মনি মতুম্দু লৈরম্মী নিংথৌনা মাগী নুপীদুবু তিল্কাং উচেক্ ৱায়া কক্চেংনচিংবগী মরল্ খঙ্বা মগুন্ লৈবা মীনি হায়্না খ্ন্দুনা য়াম্না লুনা তৌদুনা নুংঙাইনা পান্খিরম্মী |


ৱারীগী মমিং হৈশিংবা চাওরেন |
মায়্কৈ অদোম্দা মমীত্ তাঙ্বা অমগা না পঙ্বা অমগা লক্লম্মী মখোয়্ অনী অদুগী মরক্তা পৈশা খরগী খত্নরম্মী চাওরেননা উথক্তা তৌরিবশিং অদু তূমিন্না য়েংলম্মী | মনা পঙ্বা নুপাদুনা মমীত্ তাঙ্বদুদা ইরোই কন্বদা অরাঙ্বা মখোল্ অমা তারম্মী | মদু তাবদা কিরদুনা চেল্লম্মী মমীত্ তাঙ্বদুনা খঙ্হৌদনা চেন্বদু উবদা মনা পঙ্বদুসু মাগী বেগ্তু হুন্দোক্লম্লগা চেল্লম্মী চাওরেননা উদগী কূম্থরক্লগা পৈশাদু পুদুনা লক্লম্মী |
মহাক্না পৈশাদু পুদুনা নিংথৌদা হায়্রম্মী ইনিংথৌনা ঐগী ইরোই হাত্তুনা ইরোই মঊন্ পীরক্পদগী ইরোই মঊন্ য়োন্দুনা শেল্ য়াম্না ফংলে |
নিংথৌগী মনাই শিংনা চাওরেনবু ফারম্মী অদুগা অচৌবা শারং অমদা হাপ্চিল্লগা য়াম্না লুবা পুখ্রি অমগী মনাক্তা হৌবা উপাম্বী অমদা য়ান্শিন্দুনা থম্লম্মী নুমিত্খরনিগী মনুংদা উশা অদু তেক্তুনা মহাক্ শোয়্দনা শিরগনি হায়্না খন্নরম্মী |
অসুম্না চাওরেনদু শারং মনুংদা য়ান্দুনা লৈরিঙৈদা শগোল্ তোংবা নুপা অমা মাই কৈ অদোম্দা লাক্লম্মী মহাক্না মী য়াও বা শারং অমা য়ান্দুনা লৈবদু উবদা ঙক্লম্মী অদুগা তৌরিবদু করিগীনো হংলম্মী |
চাওরেননা নুপাদুদা য়াম্না হৈশিংনা হায়্রম্মী মহাক্কী লৈবাক্কী মীশিংনা মহাক্পু নিংথৌ ওইহন্বা পম্মী অদুদা মহাক্না য়াদবদগী ময়াম্না শারং মনুংদা হাপ্চিন্দুনা থম্লিবনি নহাক্না ঐগী ইহুত্ শিন্দুনা নিংথৌ ওই য়ু অদুগা ঐনা নঙ্গী শগোল্দু থৌদুনা চত্খ্রগে নিংথৌ ওই নিংবদগী নুপাদু শারং মনুংদা চঙ্লম্মী |
নুমিত্ খরনিগী মতুংদা নিংথৌগী মনাই শিংনা শারং পুল্লিবা থৌরিদু কক্থত্লম্মী শক্খঙ্দবা নুপাদু ঈশিংদা ইরাক্নদুনা শিরম্মী |
নিংথৌগী মনাইদুনা শারংদু কক্থত্তুনা ঈশিংদাথাদখ্রবা মতুংদা চাওরেননা নিংথৌগী মনাক্তা লাক্তুনা হায়্রম্মী ইনিংথৌগী ননাই শিংনা ঐবু ঈশিং অথেন্বদা হূন্থবিবদগী ঐ সুপ্নগী শগোল্ অমখক্তং ফংলে করিগুম্বা অরুবা ঈশিংদা হুন্থরম্লবদি শগোল্য়াম্না ফংগদবনি |
চাওরেননা হায়্রিবদু নিংথৌনা থাজরম্মী নিংথৌনা অচৌবা শারং কয়ামরুম্ শাহল্লম্মী শারংশিং অদুদা নিংথৌগা লোয়্ননা অঙম্ অথৌ কয়ামরুম্ শারং মনুংদা চঙ্লম্মী | চাওরেননা শারংশিং অদু ঈশিং খ্ৱাই দগী লুবা মপাদা য়াল্হল্লম্মী অদুগা মহাক্নাথৌরীশিংদু কক্থত্লম্মী মখোয়্ লোয়্নমক্ ঈরাক্নদুনা শিরম্মী |
নিংথৌনা শিরবা মতুংদা চাওরেননা নিংথৌ ওইরম্মী |
ৱারীগী মমিং সনা অমসুং মনি মুক্তাগী লম্দম্ |
মমাংঙৈদায়াম্না মপূক্চেল্ ফত্তবা মীরুবা নুপা অমা লৈরম্মী মহাক্না নুতিগী খোম্জিন্দুনা থম্লিবা উত্শিং অদু য়োন্বা চত্কদৌরিবনি হায়্দুনা খঙ্ন চানবা য়ূম্লোন্ কৈরোন্নবশিং অদুদা হায়্রম্মী |
মহাক্না উত্তু পূরদুনা অসুম্ লম্শাং লাক্পদা ৱারদুনা লল্লোন্বা নিপা অমগী ময়ূম্দা অহিং অমা লেক্লুনবা চঙ্জফম্ লৌরম্মী | নুপাদুনসু অহিং অমা লেক্পদু য়ারম্মী | অদুগা মানা পুরক্লিবা উত্ বোরাদুদি শঙ্গোল্দা থম্নবা হায়্রম্মী | উত্ মপুদুনা মাগী উত্তু শঙ্গোল্দা থম্লবদি ষন্না লোইনা চাথোক্খ্রগনি অদুনা উত্ য়োন্বদা ফংগদবা পৈশাশিংদু অমত্তা ফংলরোই হায়্না মথ্ৱায়্ ৱাবা উত্লম্মী |
ষন্না উত্ চায়্ হায়্বসি অমুক্তা তাদবনিনা লল্লোন্বা নুপাদুদি য়ানিংলম্দে অদুনা করিগুম্বা মাগী উত্তু ষন্না চারবদি চারম্লিবা ষন্মখৈলোইনা পুজখো হায়্রম্মী |
লল্লোন্বা নুপা অদুগী চাউরক্না ষন্চাম য়াংখৈরোম্ লৈরম্মী | মহাক্না উত্ বোরাদু ষন্শেন্নবদুদা শঙ্গোল্দা থম্মু হায়্রম্মী |
নুমিদাংগী চাক্চারবা মতুংদা উত্ মপূদু ঙন্তানাব্তূম্বা চঙ্লম্মী | নোংয়াই মতুং মী লোইনা তূম্না হীপ্নখ্রবা মতুংদা নুপাদু তূমিন্না হৌগত্লক্তুনা শঙ্গোল্দা চঙ্লম্মী | মহাক্না মশা মঊফবা ষন্ নিফুখক্খন্দুনা মখোয়্গী মচীন্শিংদুদা উত্তু তৈশিল্লম্মী অদুগা ফমুং চঙ্দুনা অমুক্হন্না হীপ্লম্মী |

অয়ুক্ব য়াহৌরক্পদা মহাক্না ষন্ শেন্নবা নুপাদুদা মাগী উত্ বোরাদু লৈরিবরা হায়্না হংলম্মী | ষন্শেন্নবা অদুনা শঙ্গোল্দা চঙ্দুনা উত্তু য়েংলুবদা অমত্তা লৈরম্দ্রে অদুগা ষন্ অয়াম্বদি মচীন্দা উত্ পক্তুনান্লৈহৌই হায়্না খুম্লম্মী | পাউ অসি লল্লোন্বা নুপা অদুদসু তম্লম্মী ষন্না উত্চায়্ হায়্বা পাউসি তাবদা ইঙক্ ঙক্লম্মী | মহাক্ মশামক্ লাক্তুনা হায়্রিবা পাউসি অচুম্বরাহায়্দুনা শঙ্গোল্দা চঙ্দুনা য়েংবদা ষন্শিং অদুগী মচীন্বান্দা উত্ পক্তুনা লৈবদু উরে হায়্নখিবগী মতুংইন্না উত্ তৈবা ষন্মখৈ পুরো হায়্রম্মী | নুপাদুনা ষন্ নিফু মশিং থিদুনা হরাও না হোই রগা পুরম্মী | মহাক্না ষন্ ময়াম্দু হোই রগা ময়ূম্দা লাক্পদুদা মীশিংনা মঙোন্দা ষন্শিং অদু কদায়্দগীনো হংলম্মী মানা মখোয়্দা উত্তু য়োল্লগা ষন্শিং অসি লৈরক্পনি | করিগুম্বা মহাক্না উত্ য়াম্না পুরম্বা তারবদি হেন্না লৈরক্কদবনি হায়্রম্মী | মখোয়্না উত্তু মথং লাক্পদদি য়াম্না পুরক্খো হায়্হৌই হায়্না তম্লম্মী |
মহাক্না হায়্বদুদা থজরদুনা মীশিংদুনা ময়ূম্ ময়ূম্দা শীং থাদুনা উত্ য়াম্না খোম্জিল্লম্মী অদুগা কৈথেল্দা চত্তুনা য়োন্নবা পুরম্মী মখোয়্না পোত্ লৈবা লাক্পশিংদা উত্ পাম্লবদি উত্ লৈবা য়াগনি হায়্দুনা কৌশিল্লম্মী | অদুবু মীশিং অদুনদি লৈবগী মহুত্তা নোক্নবিরম্মী য়ূম্দা ভারিদা লৈবা উত্তুবু য়োল্লি হায়্বরা অঙাওবা হায়্দুনা চৈবিরম্মী |
মীয়াম্না নোক্নবিরক্পা চৈবিরক্পদুদা ইকায়্বনা খাঙ্বা ঙম্দ্রদুনা উত্শিং অদু লোইনা হুন্দোক্লম্লগা মখোয়্দা পাউতাক্ পীরক্পা নুপাদু হাত্লুনি হায়্দুনা ময়ূম্দা হল্লক্লম্মী | মখোয়্না ময়ূম্ হেক্য়ৌবগা নুপাদু কোইথি থিদুনা ফারম্মী | অদুগা থোই দোক্না মরৈ য়েত্নবা তৌদনা শারং মনুংদা হাপ্চিল্লগা তুরেল্ মপান্দা থম্লম্মী অদুগা মখোয়্না চাক্লেন্অমা চাননবা থৌরাং তৌরম্মী চাক্চারবা মতুংদা মখোয়্না শারংদু তুরেল্দা থদগদৌরিবনি |

তুরেল্ মপাল্দু অয়াম্বা মতম্দা মী য়াম্না তিল্লী নুপা অমা শগোল্ ময়াম্ হোই রদুনা তুরেল্ তোর্বান্দুদা চত্লম্মী | মহাক্না শারং মনুংদা মী লৈবদু উবদা ইঙক্ ঙক্লদুনা করিগী শারং মনুংদা লৈরিবনো হংলম্মী | নুপাদুনা ক্গুম্লম্মী সনা ঙাক্তগী লৈফম্ লম্অমা লৈ মদুদা চত্লিবনি প্রথিবী অসিদদি সনা হায়্বসিনা শগোল্ শামুদগী হেন্না মমল্ য়াম্মী | অদুনা সনাগী লৈফম্ অসিদা চত্লগা সনা য়াম্না পুথোরক্লবদি মহাক্ ইনাক্খুন্বা মী অমা ওইরগনি মীনাই মীশন্ ময়াম্ থম্দুনা নুংঙাইনা পুন্সি লেন্বা য়ারগনি ইচা ইশু ফাওবা লন্থুম্ য়াম্না লৈরবনিনা ৱাবা অমত্তা নংঙরোই মহাক্না অমুক্কসু মখা তারদুনা শগোল্ শেন্নবদুদা হায়্রম্মী নহাক্না করিগুম্বা সনা পাম্লবদি নুমিত্ খরদং ঙাই য়ু ঐহাক্ শোয়্দনা পুরক্গা পীগে |
মদু তাবদা নুপাদুনা খল্লম্মী মাগী শগোল্ ময়াম্সি নুপাদুদা পীথোক্খ্রগা মহাক্ ওইনা চত্লবদি | মহাক্না সনা লুপা ময়াম্ পুরক্কনি মদু য়োল্লবদি পৈশা অসুক্কী মতীক্ পায়্রগনি মীনাই মীশন্ থম্দুদুনা মাগী নুপীগা লোয়্ননা নুংঙাইনা পুন্সি লেন্বা য়ারগনি মহাক্কী চত্নীংবগী চাংদু অসুম্ হেন্গত্লম্মী অদুনা শারং মনুংদা লৈরিবা নুপাদুদা মহাক্কী শগোল্ ময়াম্সি লৌবিরো সনাগী লম্দম্দুদা মহাক্ ওইনা চত্লগে হায়্রম্মী |
অহান্বদা মহাক্না হায়্রিবদু য়ারম্দে অদুবু অসুম্ অসুম্ থেঙ্থরক্লবদি অফবা ওইরোই মহাক্কী শারংদু ঈশিংদা লংথখিদুনা শিবা য়াই ঈশ্ৱর্না নুপা অসি মাগী পুন্সিবু কন্বিনবা থবিরক্পা ওইরম্গনি হায়্না খল্লদুনা হায়্রম্মী | মহাক্না শগোল্ শেন্নবদুদা শারংগী থোঙ্দু হাংদোক্নবা হায়্রম্মী থোঙ্দু হেক্হাংদোক্পগা নুপাদু থোরক্লম্মী | অদুগা শগোল্ শেন্নবদুনা মনুং চঙ্লম্মী মহাক্না থোঙ্দু চেত্না লোন্শিল্লগা হায়্রম্মী | মফম্ অসিদা মী ময়াম্ অমা লাক্কনি মখোয়্দা শারং অসি য়াম্না লুবা ঈশিংদা থাদবিয়ু হায়্য়ু |
ৱাহৈশিংসি হায়্রম্লগা নুপাদুদি শগোল্ ময়াম্দুগা লোয়্ননা চত্খিরম্মী চাক্ চাবা লোই রবা মতুংদা মীশিং অদুনা তুরেল্ মপান্দুদা লাক্লম্মী মখোয়্শংদু উবদা শারং মনুংদগী নুপাদুনা মখোয়্বু কৌরদুনা মহাক্পু য়াম্না লুবা ঈশিংদা থাদবিয়ু হায়্রম্মী |
হান্নদগী শাউ দুনা লৈরিবা মীশিং অদুনা মহাক্না হায়্বদু তাশিন্নরম্দে মখোয়্না চুম্দ্রিং লাক্তুনা শারংদু থাঙ্গত্তুনা তুরেল্ ময়ায়্দা লংথরম্লগা চত্খিরম্মী মরাই বক্ থিরবা শগোল্ শেন্নবদু ঈশিংদা ঈরাক্নদুনা শিরম্মী |
শারং হুন্থরুবা মীশিং অদুদি মবুক্ ফত্তবা নুপাদু মানা তৌজরুবা করম্মগী ফল্না শিরে হায়্দুনা মপূক্নিং হারাও রম্মী মখোয়্গী ৱাখল্না কৈদৌঙৈদসু শারং মনুংগী নুপাদু অতোপ্পনি হায়্বা খল্লুবা ঙাম্দে |
চহী অমরোম্ হৌখিরম্মী মবূক্ ফত্তবা নুপাদুদি অতোপ্পা লম্ অমদা শগোল্দু শেন্নদুনা লৈরম্মী চহী অমরোম্ হেল্লক্লবা অদুদদি নুপাদু ময়ূম্দা হল্লক্লম্মী |
শারংদা হাপ্তুনা তুরেল্দা লংথখ্রবা নুপাদুনা অমুক্ হিঙ্গত্লক্তুনা লাক্পদুদা মীশিং অদু ইঙক্ ঙক্লম্মী মহাক্না অমুক্ মখোয়্দা লমন্ খুম্লক্কদ্রা হায়্দুনা মাবু তুরেল্দা লংথবদা য়াও রুবা মীশিং অদুদি কিরম্মী |
নুপা অদুনা শগোল্ শ্ঙ্গু অমগা লোয়্ননা ময়ূম্দা হল্লক্পা মতুংদা মখোয়্বু কৌরদুনা হায়্রম্মী নখোয়্না ঐবু খরা থেন্বা জগাদা লংথবীরম্দুনা শগোল্গী লম্দম্ য়ৌরক্লে | হেন্না লুবা ঈশিংদা লংথরম্লবদি শগোল্দা নত্তনা অতৈ শা ষন্ ময়াম্ অমা পুরক্লম্গদননি |
মীশিং অদুনা য়াম্না খঙ্নিংবগা লোয়্ননা থেংনরক্পা ৱারী পুম্নমক্ লীবিনবা হায়্জরম্মী | ময়াম্না য়াম্না তানিংনা খৌরাংনবদুদা মহাক্না হায়্রম্মী | শগোল্গী লম্দু য়াম্না ফজবা লম্নি অদুগা শামু য়াম্না লৈবা লম্দুদিব্শাগোল্গী লম্দগী নোংমা চত্লগা লৈ | সনাগী লম্না নুমিত্ নিনিগুম্বা চত্লগা লৈ | অদুগা মনি মুক্তাগী লম্দুদি নুমিত্ মাপল্নিগুম্বা চঙ্গনি কনাগুম্বনা শগোল্গী লম্দগী অতৈ অতোপ্পা লম্দা চত্কে হায়্রবদি মী অমত্তনদি চত্পা ঙম্মোই | অদুবু নখোয়্না খরা লায়্না চত্কে হায়্রবদি মী খরা য়াম্না চত্তুনা হেন্না লুবা ঈশিংদা হুন্থরবদি খরা থুনা য়ৌবা য়াগনি ঈশিং মনুংদা চত্পগী খোঙ্চত্ অসি অহান্বদদি য়াম্না ৱাগনি অদুগা হল্লক্পগী খোঙ্চত্তি অসুক্কী মতীক্ নুংঙাই রনি খুদোংথীবা অমত্তা লৈররোই |
ৱারীসি তাবদা মখোয়্শিংদু মনি মুক্তাগী লম্দম্দুদা চত্কে হায়্না লেপ্লম্মী মখোয়্না ময়ূম্দা হন্খ্রগা মখোয়্ মখোয়্গী নুপী অমদি ইমুং মনুংগী মীশিংগা ৱা তান্নরম্মী | নুপীশিং অদুনদি নুপাদুনা হন্নসু নম্থক্ তৌখ্রবনিনা হন্দক্মুক্সু তৌরক্পা ওই রম্গনি অদুনা মানা হায়্রক্পদু ইন্দবনা ফৈ হায়্রম্মী | মখোয়্না মাগী মাগী নুপীশিংনা হায়্রিবা ৱাদু য়ারম্দে মখোয়্না শারংশিং শারম্মী | অদুগা য়াম্না লুবা তুরেল্গী ঈশিংদুদা লংথৌ হায়্দুনা মাগী মাগী নুপীশিংদা হুকুম্ তৌরম্মী | মখোয়্বু লংথদ্রিঙৈগী মমাঙ্দা মখোয়্ মখোয়্গী নুপিশিংদা মখোয়্ মনি মুক্তাগা লোয়্ননা য়াম্না থুনা লাক্কনি হায়্দুনা পাউ মেল্লম্মী | নুপীশিংদুনা শারংশিংদু তুরেল্দা লংথরম্লবা মতুংদা ময়ূম্ ময়ূম্দা হল্লম্মী |
নুমিত্ কয়ানিরোম্ হৌখিরম্মী নুমিত্তগী থা থাদগী চহী মথং মথং ওল্লক্লম্মী অদুবু মখোয়্গী নুপাশিং অদুদি হল্লক্পা কৌবা লৈতরে ঙাইনা ঙাইনা মতম্না অসুমক্ চত্খি | মমৈথংদদি মখোয়্না নুপাদুগী মনাক্তা লক্লম্মী মখোয়্না নুপাদুদা মখোয়্গী মপুরোই বশিংদু করম্ কান্দা লাক্কদগে হায়্না হংলম্মী | নুপাদুনা হায়্রম্মী শগোল্ শামুগী লম্দম্দুদগী পাক্ হেক্তা লাক্পা য়ারোই মখোয়্না অপাম্ পাম্দ কয়াসু খন্দোক্ খন্জিন্ তৌরম্গনি অদুগা সনা অমসুং মনি মুক্তাগী লম্দম্ অদু য়ৌরগদি মখোয়্না মাগী মাগী নুপীফাওবা কাউথোক্তুনা মফম্ অদুদা নুংঙাই না লৈথোক্লম্গনি মখোয়্ য়ূম্দা হল্লক্তবা য়াই |
ৱাফম্সিতারবা মতুংদা নুপীশিং অদু ময়ূম্ ময়ূম্দা হন্দুনা মপুরোইববু শোয়্দনা লাক্খিগনি হায়্বগী আশাদা লৈরম্মী | অদুবু ঙাইনা ঙাইনা চহী ফনা য়াম্না চত্খ্রবসু লাক্পা কৌবদি লৈখিদ্রে | মখোয়্না নুপাদুগী মনাক্তা হন্জিল্হন্জিল্ চত্তুনা মখোয়্গী মপুরোইবশিং অদু করম্বা মতম্দা হল্লক্কদগে অশেংবা অমা হায়্বিরো হায়্দুনা তক্শিল্লম্মী |
নুপাদুনা হায়্রম্মী প্রথিবীদা লৈরিবা মী অমত্তনা ঈশিংদা শারং মনুংদা তোংলগা শগোল্শামু সনা লুপা মনি মুক্তাগী লম্দা চত্পা য়াবা নত্তে মখোয়্দি শোয়্দনা ঈশিংদা ঈরাক্নদুনা শিবা তাবনি নখোয়্নসু করাম্ চাউবদগী সনা লুপা মীহৌবদগী নখোয়্ নখোয়্গী নুপাবু তুরেল্দা লংথখ্রে | ৱাফম্সি তাবদগী নুপীশিংদু গ্য়ান্ লাক্লম্মী মখোয়্গী অপঙ্বদুনা মরম্ ওইদুনা মপুরোই ববুসু হাত্লবনি হায়্বসিদা ও খোংনা কপ্লম্মী | মখোয়্ তৌফম্ অমত্তা খঙ্লম্দে |
মবুক্ লুবা নুপাদুনা মাগী পুন্সিদা থেংনবা য়েক্নবশিং অদুবুদি মরুফংনা মাঙ্হন্দুনা নুংঙাইনা পাল্লম্মী | মরায়্বক্ থীবী মপুরোইবা শেত্নরবী নুপীশিংদু মাগী মনাক্তা লাক্লম্মী | মখোয়্বু মাগী নুপী ওইনা লৌশিন্বীদুনা পূন্না লন্ থুম্ কয়াগী মপু ওইদুনা পান্মিন্নরম্মী |
মীজোরাম্দা লৈবা পাৱিশিংগী থাজনবী অমা লৈরম্মী | শাখরনা মীগী শক্লোন্ লৌদুনা মীগা তোত্ন তিন্নরম্মী অদুগা করিগুম্বা মতম্দা শা ওন্দুনা উমংদা লৈরম্মী |
পাৱিগী ইন্খত্লক্লিবী লৈশাবী অমগা কৈ মীগা ক্গঙ্নরম্মী নুপীমচাসিনদি মহাক্ কনানো খঙ্লম্দে | মখোয়্ অনী উখোম্জিন্বা য়েন্শাং নাপী অমদি চাবা য়াবা লৈগী মপাল্শিং হেক্পদা য়াম্না তোয়্না উনরম্মী নুপীমচাসিনসু নুপাসিবু নুংশিরম্মী | মহাক্না নুপাসিবু পুদুনা মাগী খুল্দা লাক্মিন্নরম্মী | নুপীমচাসিগী মমা মপানসু নুপাসি কৈ মীনি হায়্বা খঙ্লম্দে |
নোংমা লৈশাবীসিগা নুপাসিগা উমংদা উ খোম্জিল্লিঙৈদা খরা লাপ্পা মফম্ অমদা শজিনা খোঙ্বা মখোল্ অমা তারম্মী নুপাদুনা মহাক্ অশ্ৱাই ফাও বদং চত্লুখিগে য়াম্না থুনা হল্লক্কে হায়্রম্লগা চতখিরম্মী |
মহাক্না খরা চত্লবা মতুংদা কৈ ওল্লম্মী কৈদুনা শজিদুবু তান্নদুনা ফারম্মী অদুগা মচেত্ মচেত্ শেত্তুনা চারম্মী চাবা ঙম্দবশিং অদু হুন্দোক্তুনা থম্লম্মী | কৈদুনা অমুক্ মী ওল্লদুনা লৈশাবীদুগী মনাক্তা লাক্লম্মী থুমন্খিদুনা মহাক্না মচীন্বান্ অদু ঈশিংদা চাম্থোক্পা কাউরম্মী লৈশাবীদুনা নুপাদুগী মচীন্বান্দা ঈ পক্লীবদু উরম্মী | মহাক্না কৈ মীওইরম্বা য়াই হায়্না চিংনরম্মী অদুবু করিগুম্বা অমত্তা পাউ হংবা তৌদনা নুপাদুদা চত্লগে হায়্রম্লগা ময়ূম্দা হন্খিরম্মী |
লৈশাবী অদুনা চতখিবদুদা কৈ মী অদুনা মপূক্নিংদা মওল্ মওল্ খল্লম্মী চিংনবসু পোক্লম্মী | মহাক্না ঈশীং খৌরাংলক্লদুনা ঈশিংখোংঅমগী মনাক্তা চত্লম্মী | মহাক্না ঈশিং থক্কে হায়্দুনা হেক্ নোন্থরক্পদা মশাগী মমি অদু ঈশিংদা উরম্মী | মহাক্কী মমায়্দা মচীন্বান্দা ঈ পক্লিবদু উবদা লৈশাবিদুনা মহাক্পু কৈ মীনি হায়্না চিংনখ্রে অদুনা মহাক্না খুল্গী মীশিংদা হায়্দোক্লুবা য়াই হায়্না চিংনরম্মী থিন্দনা মহাক্না নুপীদুবু হাত্ননবা তান্নরম্মী |
লৈশাবীদু অসুক্কী মতিক্ শিংলম্মী মহাক্না নুপাদু শোয়্দনা হল্লক্কনি হায়্বা খঙ্লম্মী | লম্বী চত্না চত্না মহাক্না অথৌবা থঙ্গোল্ অমা ফি মনুংদা পুরম্মী খুল্দুগী ওইবা কনাগুম্বা মী অমনা অরান্বা অমা তৌরবদি মীদুগী ফম্ফম্ অমা তোঙান্না লৈ ফম্ফম্ অদুদা নুপীদুনা ফম্দুনা লৈরম্মী | নুপাদুনা মাগী মতুংদা য়াম্না চেক্শিন্না তান্নরক্লিবদু নুপীদুনা উরম্মী | মনাক্ য়ৌরক্লবদা নুপাদুনা কৈ ওন্দুনা নুপীদু হাত্লগে হায়্না চোংশিল্লম্মী নুপীদুনা ফি মনুংদগী অথৌবা থঙ্গোল্দুনা কৈদুগী মবুক্তা থুম্না থিংজিল্লম্মী কৈদু ঙাইহাক্ চৈনা খাঙ্লম্লগা শিরম্মী |
অহান্বদা মহাক্না হায়্রিবদু য়ারম্দে অদুবু অসুম্ অসুম্ থেঙ্থরক্লবদি অফবা ওই রোই মহাক্কী শারংদু ঈশিংদা লংথখিদুনা শিবা য়াই ঈশ্ৱর্না নুপা অসি মাগী পুন্সিবু কন্বিনবা থবিরক্পা ওইরম্গনি হায়্না খল্লদুনা হায়্রম্মী | মহাক্না শগোল্ শেন্নবদুদা শারংগী থোঙ্দু হাংদোক্নবা হায়্রম্মী থোঙ্দু হেক্হাংদোক্পগা নুপাদু থোরক্লম্মী | অদুগা শগোল্ শেন্নবদুনা মনুং চঙ্লম্মী | মহাক্না থোঙ্দু চেত্না লোন্শিল্লগা হায়্রম্মী মফম্ অসিদা মী ময়াম্ অমা লাক্কনি মখোয়্দা শারং অসি য়াম্না লুবা ঈশিংদা থাদবিয়ু হায়্য়ু |
ৱাহৈশিংসি হায়্রম্লগা নুপাদুদি শগোল্ ময়াম্দুগা লোয়্ননা চত্খিরম্মী | চাক্ চাবা লোই রবা মতুংদা মীশিং অদুনা তুরেল্ মপান্দুদা লাক্লম্মী | মখোয়্শংদু উবদা শারং মনুংদগী নুপাদুনা মখোয়্বু কৌরদুনা মহাক্পু য়াম্না লুবা ঈশিংদা থাদবিয়ু হায়্রম্মী |
হান্নদগী শাউ দুনা লৈরিবা মীশিং অদুনা মহাক্না হায়্বদু তাশিন্নরম্দে | মখোয়্না চুম্দ্রিং লাক্তুনা শারংদু থাঙ্গত্তুনা তুরেল্ ময়ায়্দা লংথরম্লগা চত্খিরম্মী | মরাই বক্ থিরবা শগোল্ শেন্নবদু ঈশিংদা ঈরাক্নদুনা শিরম্মী |
শারং হুন্থরুবা মীশিং অদুদি মবুক্ ফত্তবা নুপাদু মানা তৌজরুবা করম্মগী ফল্না শিরে হায়্দুনা মপূক্নিং হারাও রম্মী | মখোয়্গী ৱাখল্না কৈদৌঙৈদসু শারং মনুংগী নুপাদু অতোপ্পনি হায়্বা খল্লুবা ঙাম্দে |
চহী অমরোম্ হৌখিরম্মী মবূক্ ফত্তবা নুপাদুদি অতোপ্পা লম্ অমদা শগোল্দু শেন্নদুনা লৈরম্মী চহী অমরোম্ হেল্লক্লবা অদুদদি নুপাদু ময়ূম্দা হল্লক্লম্মী |
শারংদা হাপ্তুনা তুরেল্দা লংথখ্রবা নুপাদুনা অমুক্ হিঙ্গত্লক্তুনা লাক্পদুদা মীশিং অদু ইঙক্ ঙক্লম্মী মহাক্না অমুক্ মখোয়্দা লমন্ খুম্লক্কদ্রা হায়্দুনা মাবু তুরেল্দা লংথবদা য়াও রুবা মীশিং অদুদি কিরম্মী |
নুপা অদুনা শগোল্ শ্ঙ্গু অমগা লোয়্ননা ময়ূম্দা হল্লক্পা মতুংদা মখোয়্বু কৌরদুনা হায়্রম্মী | নখোয়্না ঐবু খরা থেন্বা জগাদা লংথবীরম্দুনা শগোল্গী লম্দম্ য়ৌরক্লে হেন্না লুবা ঈশিংদা লংথরম্লবদি শগোল্দা নত্তনা অতৈ শা ষন্ ময়াম্ অমা পুরক্লম্গদননি |
মীশিং অদুনা য়াম্না খঙ্নিংবগা লোয়্ননা থেংনরক্পা ৱারী পুম্নমক্ লীবিনবা হায়্জরম্মী ময়াম্না য়াম্না তানিংনা খৌরাংনবদুদা মহাক্না হায়্রম্মী | শগোল্গী লম্দু য়াম্না ফজবা লম্নি অদুগা শামু য়াম্না লৈবা লম্দুদিব্শাগোল্গী লম্দগী নোংমা চত্লগা লৈ | সনাগী লম্না নুমিত্ নিনিগুম্বা চত্লগা লৈ অদুগা মনি মুক্তাগী লম্দুদি নুমিত্ মাপল্নিগুম্বা চঙ্গনি কনাগুম্বনা শগোল্গী লম্দগী অতৈ অতোপ্পা লম্দা চত্কে হায়্রবদি মী অমত্তনদি চত্পা ঙম্মোই অদুবু নখোয়্না খরা লায়্না চত্কে হায়্রবদি মী খরা য়াম্না চত্তুনা হেন্না লুবা ঈশিংদা হুন্থরবদি খরা থুনা য়ৌবা য়াগনি ঈশিং মনুংদা চত্পগী খোঙ্চত্ অসি অহান্বদদি য়াম্না ৱাগনি অদুগা হল্লক্পগী খোঙ্চত্তি অসুক্কী মতীক্ নুংঙাই রনি খুদোংথীবা অমত্তা লৈররোই |


SEEN TEXT


নাপল্ চাওবা ইরোই
থাইনা মমাংঙৈদা মৈতৈ লৈবাক্তা মৈতৈ ঙম্বা কৌবা ইরোই অমা লৈরম্বোরে
ইরোইসিনা মপুক্নিংদা হক্চাং ফবদা ঐ মঙাইরে
ইচি ফবদা ইপাঙ্গল্ কন্বদা ৱাইনবদা ইশক্ ফজবদা ঐ মঙাইরে হাইবসি খন্দুনা অথোই নাপল্গা লোইননা চাউজক্না লৈবোইরে
নোংমা অয়ুক্ অঙন্বদা মৈতৈ ঙম্বা ইরোইনা শামান্নবা কনানো লেংমান্নবা কনানো শাথেংনগে লান্থেংনগে হাইদুনা
মরাইবক্ লোংখত্তুনা থওইউশিত্তনা অসুম্ লাকপদা লৈবাক্তা তাদুনা লৈরম্বা শন্থী থীরুক্ অমা মখোঙনা থোক্ হেক্ কাও রুবু
শন্থীদা ইল্লম্বা তুমীত্ ময়াম্ পাইথোরক্তুনা ইরোই য়েংদুনা অমুক্তং লাওরক্পদা ইরোইদু খংপ্রেক্ খংখ্রে
হায়্ কনানো উশিত্তবা শারদনা মীগী য়ুম্ লৈ কাইসু উদবা নমীত্তু লৈতেংগী পান্ব্রা হা
ঐখোয়্দকা হৌজ লাক্চরক্কনু নথৱায়্ মাঙ্জনি
মদু তাবদা ইরোইনা হায়্রক্পোইরে হায়্ কনানো নশক্তি উদে লাউরক্পা খোন্জেল্দি অখাক্ অরাও তারক্পদু মঙায়্
ইরোইগী করেম্ কথাইনবা ৱাঙাঙ্দু তাবদা তুমীত্না শাউমন্খ্রদুনা খুম্মক্পোইরে
নশাদি অদুক্ চাউরগা নখোন্জেন্দি নাহেবা হেক্ মাল্লদনা
মসি ওইরে ইরোইগী অসাওবী হায়্দো মদুদগী ইরোইনা অমুক্তং লাউরক্পবু
হৈ তুমীত্ হায়্বা পিক্ত্রু চাউ হেন্দবা শন্থী চাবা
মদুদগী তুমীত্না অমুক্ হায়্ ইরোই হায়্বা থৌরীনা নারেং হুত্পা
অসুম্না অৱায়্ অখুম্ তৌনদুনা ঙাইহাক্ খত্নরবা মতুংদা খুত্ থোক্নরক্এদো
তুমীত্ ময়াম্দুনা মৈতৈ ঙম্বা ইরোই তম্না শর্ পাইশিল্লক্তুনা ইরোইগী মমীত্ মনাকোঙ্ মনাতোন্ কনাগী মনীংগোং মশা পুম্বা তুমিত্কী তুমীত্ ঙাক্তা ঙাইখ্রে
মদুদা মৈতৈ ঙম্বা ইরোইনা খাঙ্ফম্ খঙ্দ্রদুনা ঐদা কদাইদা চেল্লগা অৱাবসি কোক্কদগে হায়্দুনা মোংশোঙ্দা চোংশিল্লি তুমীত্ মাইন্নৈ
ঈশিংদা চোংথদুনা য়েংই ফাওগত্লক্পদা তুমীত্ ময়াম্না হেক্তা মওম্মী লৈখোম্দা লৈওন্দুনা খাঙ্ই অদুসু লৈখোম্ তৈদবা মমীত্তুদা তুমীত্ ময়াম্দু অমুক্ হেক্তা মওম্মী
লোত্ফম্ লৈত্রদুনা মৈতৈ ঙম্বা কৌবা ইরোইদুনা কৌব্রু চীংদোন্দাকাখত্তুনা তাইবঙ্ শেম্বা মপুদা হায়্জগখিবোরে
হে তাইবঙ্ শেম্বা মপু অসুক্ চাওখ্রবা ননাই ঐসে পীক্খ্রবা তুমিত্শীংনা ওত্ নৈবদা খাঙ্বা ঙম্জদ্রে
ননাইবু অমুক্তদি কন্বীয়ুগবা লাইনিংথৌ
তাইবঙ্ মপুনা ইরোইদা নাপল্ তৌবগী ফত্তবদু খঙ্হল্লদুনা
মতুং অমুক্ তৌদনবা হায়্রগা তুমিত্ ইরোই অনীগী খত্নবা তাইসিন্নবীদুনা মতুংদা মখোয়্অনী চান্না চিন্ননা লৈমিন্নহন্খিবোইরে
নাপল্ তৌবগা মান্ননা ফত্তবা অতৈ অমমুক্ লৈত্রে
তুমিত্কী মখুবাক্তা নাপল্ চাউবা ইরোই মায়্থীবা ফংখি
লুখ্রাবী মচা
থায়্না মমাংঙৈদা লুখ্রাবী অমগা মচা নুপা অমগা খুল্ অমদা তরক্ তরক্ লৈজবোইরে
মচা নুপাদুনা পীক্লিঙৈদগী মাবু চাউনবা হোত্নরক্পদা মমাদুনা লৈকাই লান্না শিল্লংবা চত্লি
য়ুম্থোং য়ৈনা চাক্নি ফিনি মচাদুনা পুংকক্ চাউরক্পা চহী তরাহুম্দোই তরামরি রোম্ শুরক্পা অদুৱায়্দা
নোংমা মমাদা হায়্বোইরে ইমা ইমানা লৈকাই য়ুম্থোং লান্না কোয়্না চাক্নি ফিনিদুনা ঐবু চাউননবা য়োক্পিরক্লে
হৌজিক্তি নচাসু চাউরে
ইমান্নবা মীরক্ তিন্বা ঙম্লে ইপাঙ্গল্ না শুদুনা ইমাবু থাক্নবা হোত্নজরগে
ইমানা ঙা ফানবা খোই অমত্তা লৈবীয়ু
মচাগী ৱাশি তাবদা মমানা কৈথেন্দা চত্লগা ঙা ফানবা খোই অমা লৈবিরে
খোইজৈ খোইরীনচিংবা শেম্বীরগা মচাদা পীবিরে মচানা মমান্নবশিংগা লোয়্ননা
নুমিত্ খুদিংগী তুরেন্দা চত্তুনা খোই চোপ্পদা ঙা তুঙ্গোল্ অমমম্ ফাদুনা মদুনা মমা মচা চরা নোংখন্নবোরে
নোংমগী নুমিত্তি খোই চোপ্লিবা লুখ্রা বী মচাসি ঙা অমত্তা ফাদ্রেদো
ঙা ফাবগী মহুত্তা তুরেন্দা তাওথরক্পা অঙক্পা ফংনা ফজরবা লৈ অমা মাগী খোইদা থুবোইরে
লৈ অসি অসুক্কী মতীক্ ফজৈ উরুবা মী পুম্নমক্ অঙাওবগী মতৌগুম্ই
মনম্ নম্মুবদা অহল্ ওইরম্বদু নহা ওল্লি
লুখ্রাবী মচানা লৈ অদু লা অমদা চেক্শিন্না য়োম্শিল্লগা
ময়ুম্দা পুদুনা মমাদা পীরুরে মমানা ইবুংঙো মসিগী লৈ অসিদি ওন্থোক্না ফজখ্রে অচম্বা লৈ নত্তে
লাইরবী ইমা ইচানা থম্বা মতীক্ চাদে হায়্দুনা মাগী মবুংদা পীখ্রে
মবুংনা অমুক্ মসিদি ঐনা থম্বা মতীক্ চাদে হায়্দুনা লৈবাক্ অদুগী নিংথৌদা কত্লুরে
নিংথৌদু লৈদু হেক্ উবদা মখৈ ফংনা পেন্খ্রে হায়্রক্পোইরে হায়্ নুপা
নঙ্না ঙসি পুরক্লিবা লৈ অসি উবদা ঐহাক্ ঙক্পনা থেংখ্রে অসুক্ নীংথিবা লৈদি তাইবঙ্পান্সিদা লৈরম্মোই
অদুনা ঐ ইথন্দা চিন্বা পাম্দ্রে
ঐগী লৈমশীজগীসু অমত্তা পুরক্উ নিংথৌগী য়াথং অসি তাবদা
লুখ্রাবীগী মবুংনা লৈ অদু ফংলক্পগী অশেংবা ৱারীদু লীথোক্চবদগী নিংথৌনা লুখ্রাবী মচা অদুবু
মনাই মশল্ খরা থারগা কৌহল্লুরে লুখ্রাবী মচানা লাক্লবদা নিংথৌনা হাইরক্ই নঙ্না খোইদা ফাবনি হায়্রিবা লৈ অসি ওন্থোক্না ফজখ্রে
ঐগী লৈমশীজগী অমত্তগা পুরক্খো করিগুম্বা পুরক্ত্রবদি নহাক্ শোয়্দনা অঙাং ওন্গনি
নিংথৌগী অরুম্বা য়াথং অসি কোক্তা থোংদুনা লুখ্রাবী মচা মমা কায়্নরম্লগা অৱাং পাংনা অসুম্ লাক্পোইরে
অসুম্ লাক্পদা পুখ্রি অমগী মপান্দা শবি নিংথৌগী মচানুপী শবিরৈমা মতা খরগা লোয়্ননা ঈরুজদুনা লৈবদু
থেংনরুরেদো লুখ্রাবী মচাদু উবদা শবিরৈমনা মতাশিংদা ইতাশা অসিদা লাক্লিবা নুপাসে মঙোন্দা ঐ লৈরগদবনি
ৱাফম্ অসি মতাসিংনা নিংথৌদা তম্লুরে
নিংথৌনসু ইচানবু য়ারবদি ফরে অদুবু নুপামচাদুগী ৱা অমুক্তং হংখিগে হায়্দুন হংবদা
লুখ্রাবী মচানসু য়ারদুনা মখোয়্ অনীবু নিংথৌনা চাউনা লুহোঙ্বিরে
অদুদগী লুখ্রাবী মচা অদু শবীরৈমা লুহোঙ্লম্লগা অঙক্পা লৈ অদু থিবা থোক্লক্এ
অৱাং পাংনা অসুম্ লাক্পদা ঙানুরৈমা থেংনদুনা মাবুসু লুহোংদুনা লৌরম্লগা অৱাং পাংনা অমুক্ লাক্পদা
খুনুরৈমা থেংনদুনা মাবুসু লুহোংদুনা লৌরে খুনুরৈমবু লুহোংদুনা লৌরবা মতুংদা মাগী মপা খুনু নিংথৌনা
লুখ্রাবী মচানা লাক্লিবা খোঙ্চত্কী মরম্ হঙ্লদুনা হায়্রক্পোইরে ইবুংঙো
নঙ্না থিরিবা অঙক্পা লৈ অদুদি তু আদগী পুখ্রিময়া অসে অসিদা হৌবনি ৱা অসি তাবদা লুখ্রাবী মচা য়াম্না হরাওরে
পুখ্রি ময়া অদুদা চত্লগা লৈদু অমা হেক্লগা নীংথিজনা য়োম্শিল্লগা মাগী নুপী অহুম্গা লোয়্ননা ময়ুম্দা হল্লক্এ
ময়ুম্ য়ৌরবা মতুংদা কোনুংদা চত্তুনা লৈদুমসু নিংথৌদা কত্লে
নিংথৌদু লুখ্রাবী মচাগী তৌঙম্বা মতীক্ মগুন্দু উবদা হেন্না কল্লক্খ্রে
মনাই শম্কক্পা অচান্বগা লোন্না চীক্না ৱা তান্নবা হৌখ্রে
অদুগা হায়্রক্পোইরে অঙক্পা লৈবু পুরক্পা ঙম্বা নঙ্দি অচম্বা মী নত্তেদো
য়েংঙুসে ঐগী কোনুংগী মমাংথংবদা লৈরিবা লৈতঙ্গায়্ মরক্সিদা থোইদিং পোত্মা হৈদোক্কনি
মসি নঙ্না নোংঙান্বদা মরু অমত্তা চীত্থদনা খুংগত্তুনা পৈরম্গদবনি
মদু ঙম্দ্রবা নহাক্ অঙাং ওন্বা শোয়্দ্রবনি
নিংথৌগী অকন্বা য়াথং অদু পুদুনা লুখ্রাবী মচা ৱাখল্না ফুম্বংননা ময়ুম্দা হল্লক্লে
ময়ুম্ য়ৌরগা মহাক্না মাগী তাল্লোয়্ অহুম্দা নিংথৌনা হায়্রক্পা ৱা অদু তম্মবদা খুনুরৈমনা
অদুগীদমক্তা করি অমত্তা ৱাবীরুগনু ইবুংঙো
ননাইনুবীনা থবক্ অদু শোয়্দনা পাঙ্থোক্নবা শীন্জগনি হায়্রবদা লুখ্রাবী মচাদু মপুক্নিং খরা তপ্থরবোইরে
অহিং ওইরে খুনুরৈমনা মপান্দা থোরক্লগা মমায়্ অৱাং ওন্দুনা মপা নিংথৌবু কৌজরক্ই
হে ইপা খুনু নিংথৌ ইপানা চান্বিদুনা ইতা খুনু ময়াম্ থাবিরক্উ
মচানা হায়্জবা অসি তাবিদুনা খুনু নিংথৌনা খুনু ময়াম্ থাবিরক্এ
খুনু ময়াম্ লাক্লবদা খুনুরৈমনা হায়্রক্পোইরে ইতাশা নখোয়্না নতা ঐগী ইতেং পাংবীরম্মু
লৈবাক্সিগী নিংথৌগী কোনুংগী মমাঙ্দা লৈরিবা লৈতঙ্গায়্ মরক্তা থোইদিং পোত্মা হৈদোক্লিবনি
মদু নখোয়্ ময়াম্না মরু অমত্তা চীত্থদনা খুন্বিরগা পৈশীন্দুন থম্বীরম্মু অদুগা হন্বীখ্রো
মতাগী ৱা তাবদা খুনু ময়াম্দু পাইখ্রে
থোইদিং পোত্মা হৈদোক্লিবা লৈতঙ্গায়্ মরক্তগী মরু অমত্তা হেক্ ৱাত্তবমখৈ খুন্গত্তুনা পৈশিল্লম্লগা খুনু ময়াম্ মরম্দা হন্খ্রে
নোংঙাল্লে নিংথৌনা মনাইশিং থাদুনা য়েংহল্লুবদা থোইদিং মরু ময়াম্দু অমত্তা চীত্থদনা খুন্গত্লগা
পৈশিন্দুনা লৈরম্বদু উবদা ঙক্পনা থেংখ্রে
পাউ অসি নিংথৌদা তম্লুবদা নিংথৌনা লুখ্রাবী মচাদুবু কিবনা লোইখ্রে
নোংমদি শোয়্দনা নিংথৌ খুবম্ শিন্খ্রগনি অদুনা মাবু হাত্তবা য়াদ্রে হায়্দুনা মনাই শম্কক্পা অমুক্ তানরে
নিংথৌনা লুখ্রাবী মচাবু কৌখত্লগা হায়্রেদো
নঙ্ তৌবা য়াম্না ঙম্লে ফরে য়েংঙোই হয়েংদি ঐনা ফৌ শঙ্বাই অনী কোনুংগী পুখ্রিদা হৈথনি
মসি মরু অমত্তা ৱাত্তনা খুঙ্গত্লগা লৈরাইদা পৈরম্গদবনি
ঙম্দবা থোক্লবদি নহাক্ অঙাং ওন্গনি
লুখ্রাবী মচা ময়ুম্দা হন্খ্রে মাগী নুপী অহুম্গা তান্নরে
মাগী নুপী ঙানুরৈমনা হায়্রক্পোইরে
ইবুংঙো মদুগীদমক্তদি করি অমত্তা চিংনবিরুনু ননাই ঐ লৈজৈ
ঐনা শোয়্দনা শীন্জগনি
লুখ্রাবী মচাদু মথ্ৱায়্ নুংঙাইনা পোথ্থাদুনা লৈখ্রে
অহিংদুদা ঙানুরৈমনা মপান্দা থোরক্তুনা সুমাঙ্ মতোন্দা মমায়্ অৱাং ওন্দুনা মপা ঙানু নিংথৌবু কৌজরক্পোইরে
হা ইপা ইবুংঙো নচানা কৌজবা অসি তাবিয়ু
ইপা ইবুংঙোনা চান্বিদুনা নচাগী ননাক্তা ইতা ঙানু ময়াম্দু থাবিরক্উ
মচানা হায়্জবদু মপা ঙানু নিংথৌনা তাবিরদুনা ঙানু ময়াম্ মচা ঙানুরৈমগী মনাক্তা থাবিরক্এদো
ঙানুরৈমনা মতা ঙানু ময়াম্দুদা হায়্রক্পোইরে ইতাশা ঙসিদি নখোয়্ ময়াম্না নতা ঐগী ইতেং পাংবিয়ু
নিংথৌগী কোনুংগী পুখ্রিদা নিংথৌনা ফৌশঙ্বাই অনী হৈথখ্রবনি
হয়েংঅয়ুক্ নোং ঙান্দ্রিঙৈগী মনুংদা ফৌশিং অদু মরু অমত্তা চিথ্থদনা খুঙ্গত্লগা পুখ্রি মনাক্তা পৈশিন্দুনা থম্বীরম্মু
মদু লোইরগা ইতাশিংহন্বিখ্রো
মতা ঙানুরৈমনা হায়্জবা মতুং ইন্না ঙানু ময়াম্না কোনুংগী পুখ্রি তান্না চত্লগা
ঈশিং মনুংদা হৈথখিবা ফৌ শঙ্বাই অনী অদু মরু অমত্তা চীথ্থদন খুঙ্গত্তুনা পুখ্রি মপান্দা পৈশিল্লম্লগা ময়ুম্ময়ুম্দা হন্খ্রে
নোংঙাল্লে নীংথৌগী য়াহৌ ঙন্বা মনাইশিংনা ফৌ ময়াম্ পুখ্রি মপান্দা পৈশিল্লম্বদু উবদা নিংথৌদা তম্লুরে
লুখ্রাবী মচাগী মতীক্ মগুন্দু উবদা নিংথৌদু হেন্না হেন্না কিরক্লবোইরে
মনাই শম্কক্পা ফত্তবগা তান্নদুনা হেন্না শাথিবা হিংফম্ শুক্লৈ লৈররোইদবা থৌরাং অমা লৌতুনরে অদুগা লুখ্রাবী মচাদুবু কৌরগা হায়্রে
হায়্ নুপা নহাক্ নতীক্ নগুন্ য়াম্না লৈরে
ফরে হন্দক্তী ঐগী শিখ্রবা ইপা ইপুশিংগী মনাক্তা চত্লগা মখোয়্ করম্ করম্ তৌরিবগে হায়্বা পাও অমত্তং লৌরু
ইপা ইপুশিংনা লৈরিবা অশি লৈবাক্অদুদা চত্নবা থৌরাঙ্ অপুম্বা ঐনা শিন্গনি
কোম্ অমা তৌরগা মপান্দা মৈ হৌদুনা থম্গনি
পায়্দুনা কুম্থখিনবা ৱাশাং অমসু য়ুংগনি
নংনা হোরেন্ আ মখা য়ৌরগা ঈংঙে হায়্বা মতম্দা ৱাশাং অদু নোম্মক্উ মতম্দুদা মথক্তগী নঙ্না তীক্নবা মৈ হৈথরক্কনি
লুখ্রাবী মচানা খন্বোইরে ও হন্দক্তি ঐ নান্থোক্ফম্ লৈত্রেদনা
মথ্ৱায়্ নুংঙাইতনা ময়ুম্ য়ৌরক্লগা মাগী নুপি অহুম্গা ৱাতান্নরে
নিংথৌগী অকন্বা য়াথংগী ৱারোল্দু তাবদা শবিরৈমনা হায়্রক্পোইরে
ইবুংঙো করি অমত্তা ৱাবীরুগনু হন্দক্কীসিদি ননাইগী শরুক্ ওইজরগে ননাইনা ফনবা শীন্জগে
অহিং ওইরক্লবদা শবিরৈমনা ইমুংদগী মপান্দা থোরক্তুনা শুমাঙ্ মতোন্দা লেপ্লগা অৱাং ওন্দুনা মপা শবি নিংথৌবু কৌজরক্পোইরে
হা ইপা ইবুংঙো নচানা কৌজবা তাবিয়ু ঐগী ইতা শবি ময়াম্দো নচাগী নাক্তা অমুক্তা থাবিরক্উ
মচানা হায়্জবা অসি তাবিদুন মপা নিংথৌনা শবি ময়াম্ মচাগী মনাক্তা থাবিরক্এ
শবি ময়াম্দু য়ৌরক্লবদা শবিরৈমনা হায়্রক্পোইরে ইতাশা নখোয়্না নতা ঐগী ইতেং পাংবিয়ু
ইমুংগী ফুঙ্গা লাইরুদগী কোনুংগী শুমাঙ্দা তৌরিবা কোম্ অদু য়ৌবা ফাওবা মী অমনা লেপ্তুনা চত্পা য়াবা মখুল্ অমা হুত্পীয়ু অদুগা ময়াম্ হন্বিখ্রো
মতা শবিরৈমগী ৱা অসি তাবদা শবি ময়াম্দু লৈনুংদা মী অমনা লেপ্তুনা চত্পা চন্বা লৈখুন্ অমা হুত্লে
অদুগা কোনুংদা তৌরিবা কোম্ অদুদা ফাওগত্লগা ময়ুম্ ময়ুম্দা হন্নখ্রে
থৌরাঙ্ পুম্নমক্সি লোইরে খঙ্লবদা লুখ্রাবী মচাগী ইমুং অদু অহিংদুমা হরাওনা পোথ্থাদুনা লৈরবোইরে
নোঙাল্লে লুখ্রাবী মচাগী অশি লৈবাক্ চত্পগী অঙক্পা থৌদোক্ অদু য়েংবা লাক্পা মীনা কোম্গী অকোয়্বদা ক্রিক্ ক্রিক্ ইন্ননা লেপ্খ্রে
লুখ্রাবী মচানা করিসু থৌশাদবা শারদুনা কোম্গী মনাক্ অদুদা তপ্না চঙ্শিল্লক্লগা
লেপ্তুনা লৈরিবা অঙম্ অথৌশিং নিংথৌ মহারানীনচিংবদু মথংমথং খুরুম্জরে অদুগা হায়্রক্পোইরে
অঙম্ অথৌশিং অদুগা লৈবাক্ প্রজা পুম্নমক্ ঐগী হন্দক্কী খোঙ্চত্ অসি মহৈ য়ান্বা ওইজগে
ইনিংথৌগী লৈখিদ্রবা অহল্ লমন্ ইপা ইপুশিংদুগী পাউ অমা লৌজরগা ঐহাক্ তন্না অমুক্ হন্জরক্কে
হোরেল্ ঐনা মখা অসুম্ কুম্থখিবদা করিগুম্বা ঈংলক্লবদি ৱা অসি নোম্জরক্কে
মতম্দুদা মথক্তা হৌদুনা থম্লিবা মৈ অসি হৈথবিরক্উ
ময়াম্ পুম্নমক্ য়ারে
লুখ্রাবী মচা কোম্ অদুগী মনুংদা য়ুংলিবা ৱা অদু পায়্দুনা তপ্না তপ্না কুম্থখ্রে
শবিশিংনা হুত্লম্বা শুরুং অদুগী মচীন্দু য়ৌরে খঙ্লবদা য়ুংলিবা ৱাশাং অদু নোম্লক্পোইরে
মানা ৱাশাং অদু হেক্ নোম্লক্পদা মথক্তগী ময়াম্না অচাক্পা শীং মৈতাল্ ময়াম্দু অমুক্তং হৈথরক্পবু মৈনা কোম্দু ফুন্না চাক্খিবোইরে
অসোম্দা লুখ্রাবী মচাদি লৈবাক্কী অপাবা ফক্লাং অদু মখোঙ্না কাওবদগী নীংখায়্দুনা
শবিশিংনা হুত্লম্বা লৈখুল্ অদুগী মনুংদা চঙ্খ্রে
অদুগা মাবু ঙাইদুনা লৈরম্বা শগোল্ অপাইবী অদুগী মথক্তা তোংখত্তুনা লাক্লগা
ময়ুম্গী ফুঙ্গা লাইরুদা ফাওগত্তুনা নুংঙাইনা পোথ্থাদুনা লৈরবোইরে
কোনুংলোম্দনা লুখ্রাবী মচা অদু শিখ্রে হায়্না লৌরদুনা মী পুম্নমক্ মাগী মাগী ময়ুম্দা হন্নখ্রে
নিংথৌ অমদি মনাই শম্কক্পা ফত্তবা অনীসু হরাওবগী ঙম্খৈ লৈখিদ্রে অচা অথক্ ময়াম্ তৌদুনা অহিংদু লেল্লে
নোংঙাল্লগা লুখ্রাবী মচাগী ময়ুম্দা মী থাদুনা মরল্ মথুম্ অরৈবা পুখত্লক্নবা চত্হল্লুবদা
লুখ্রাবী মচানা ফম্ফম্ ফক্তা ফম্দুনা হীদাক্ফু থক্তুনা লৈরম্বদুদদি
নিংথৌগী মনাইশিংদু অশিবা মী হিংগত্লক্লে হায়্দুনা পাখত্তুনা চেল্লক্লগা নিংথৌদা তম্লুরে
নিংথৌনা মী থাদুনা লুখ্রাবী মচাদুবু কৌহল্লুরে
ৱারী অসুম্ শান্নবদা লুখ্রাবী মচানা ইনিংথৌ ইবুংঙো ইবুংঙোগী ইপা ইপু পুম্নমক্ নুংঙাইনা লৈহৌই
অদুবু শম্ কক্পিনবা অহৈবা শম্কক্পা লৈহৌদবদগী
শম্না মকোই মরাংদি য়াম্না চোম্হৌরে হায়্বদগী নিংথৌনা থাজরদুনা অদুদি
ঐগী ইনাই শম্কক্পা থাদবা য়াদ্রেদনা করম্ তৌনা চত্কনি হংলক্পোইরে
লুখ্রাবী মচানা ননাই ঐনা চত্পদুম্ হায়্না চত্কনি হায়্বদগী কোম্ মৈনচিংবা থৌরাঙ্ তৌরে
শম্কক্পদুসু মাগী শম্কক্নবা খুত্লাই উপুদু পুরদুনা কোম্ মনুংদা কুম্থখ্রে
ঙাইহাক্ লৈরগা ৱাশাং অদু নোম্মক্পদগী মথক্তগী ময়াম্না মৈহৈথদুনা শম্কক্পা ফত্তবদু কোম্ মনুংদা মৈনা চাক্তুনা শিরে
শম্কক্পা অদু শিখিবদগীদি নিংথৌ অদু মথন্তা লৌশিং লাক্তুনা লুখ্রাবী মচাগা মরুপ্ শান্নরে
মাবু ফম্নাইবা হাপ্পিদুনা লৈবাক্ ৱায়েল্ থৌদাদা তাথোক্ তাশিন্ তৌনদুনা নুংঙাইনা পান্খিবোইরে
নিংথৌদি মনাইগী মখা পোল্লি
মনাই ফ্তবগী মখা পোল্লুবা মৱা লৌরুবা নিংথৌদো
মী মাঙ্হন্নবগী ৱাখন্দা ঙাইহাক্তা পোথ্থাবা ফংখিদে
মনাই ফত্তবা মৈনা চাক্তুনা শিখ্রবদা নিংথৌদো মমৈদা বাব্ তারক্তুনা অফবা নিংথৌ ওইদুনা পান্খি
হিংচাবীগী মচানুপী
থায়্না মমাংঙৈদা লৈবাক্ অমদা নিংথৌ অমা পাল্লম্বোইরে
নিংথৌ অদু মাগী মহারানী মরিগা লোয়্ননা মতম্ খরা নুংঙাইনা লৈরম্বোইরে
নোংমদি মশক্ মতৌ চঙ্খোল্লবী মপুঙ্ মরৈ ফারবী নুপী অমা কোনুংগী সন্নথোঙ্ ময়াদা চঙ্অরে
নিংথৌদো নুপী মচা অদু উবমক্তদা নুংশিবা অমা পোক্খ্রে
নুমিত্ মরি মঙানি অসুম্ উশিল্লক্লবদা নোংমদি নিংথৌগী সনা মাঙ্দা কৌশিল্লগা মহারানী ওইরো হায়্রম্মী
নুপী মচাদুনা অদুদি লুহোঙ্দ্রিঙৈদা মহারানী মরি অসি মমীত্ কোথ্থোক্ মরু কোক্থোক্
শুনু য়াইঙঙ্ তৈদুনা থাদোক্খো হায়্রবদা নুপী মচাদুবু পাম্মন্দুনা ঙাওরবা নিংথৌনা
মানা হায়্রিবদুমক্ তৌদুনা মহারানী মরিদুবু তান্থোক্খ্রে
অদুদগী নুপিমচাদুবু মহারানী হাপ্পিদুন পান্মিনরে
মহারানী মরিগী মমীত্ নীপাল্ অদু নুপীসিদা পীরে
মহারানী মরি অদু উমংদা খাংপোক্ মচা অমগী মনুংদা য়াম্না ৱানা পুন্সি লেল্লক্লে
মমীত্সু তাঙ্লবনিনা কোয়্না মচীন্জাক্ থিবা চত্পসু ঙম্দ্রে
মরম্ অদুনা মহারানী অহন্না পোক্পা মচা অদু পোক্পদা ঙায়্রিঙৈদা শেত্তুনা চাথোক্খ্রে
মহারানী অনিসুবা অমসুং অহুম্সুবাগী মচাসিংদুসু মখোয়্ মরিনা চাথোক্খ্রে
মহারানী মরিশুবদুসু মচা পোক্পগী মতম্ ওইশিল্লক্লে
মানা খল্লি ইচে অহুম্গী মচাশিংদু ঐখোয়্না য়েন্নদুনা চাথোক্খ্রে
ঐখোয়্বু অৱাবদগী কন্বীনবা কনাসু লৈত্রে
ঐনা অঙাং নুপা অমা পোক্লবদি ইচে অহুম্দা অমত্তা তাক্লরোই
ঐখোয়্বু অৱাবা অসিদগী কন্বীনবা মাবু চাউবা ফাওবতদি ময়োক্লগে
মরিশুবা মহারানী অদু মকুম্ মথা শুরদুনা অঙাং নুপা অমা পোক্লে
অদুবু মানা মচে অহুম্দা নুঙ্ অমা পোক্লে হায়্জিন্নদুনা অঙাং অদু খরা থাপ্না থৈদোক্খ্রে
অসুম্না লোন্না য়োক্লক্পদগী অঙাং অদু পুংকক্ চাউরক্তুনা শন্জেল্ শংঙাক্ ঙম্লক্লে
উমংদা শন্ শেন্বা লাক্পা অঙাং মচাশিংগা মরূপ্ শান্নদুনা নোংমদি কোনুংগী লম্পাক্তা কাঙ্জৈ শান্নবা য়েংলুই
লাইগী নোংদম্দগী নোংমদি নিংথৌনা নুপামচা অসিগী মশক্ উরুরে
উবমক্তদা মচামক্কী মতৌগুম্ নুংশিখ্রে
অসুম্না তোয়্না উনরবা মতুংদা নিংথৌনা কৌশিল্লগা মতম্বাক্তা পম্খত্লগা হংলক্পোইরে
ইবুংঙো নঙ্বু কনাগী মচানো
অঙাংনা ইচম্ চম্না উমংদা লৈবী ইমা মীত্তাঙ্বীগী মচানি খুম্লবদা লাইগী নোংদম্দগী নিংথৌদো মমঙ্গী ৱা অমত্তা নীংশিংবা থোক্খিদ্রে
নিংথৌনা নুংশিমন্বদগী কোনুংদা লৈরসি হায়্রক্লবদা অঙাংনা মমাগী য়াথং লৌজরুরবা মতুংদা কোনুংদা লৈখি
তুংদা মহারানী অতোন্বীনা অঙাং অদু কনানো হায়্বা খঙ্লদুনা
থুনা হাত্হৌদবা য়াদে হায়্দুনা নোংমা হায়্রক্ই ইবুংঙো নঙ্ অবোক্কী মনাক্তা চিথি অসিমত্তা থিল্লু
অসুম্না নুপা মচাদু থারক্লে
চিথি পুরদুনা নুপা মচাদু শগোল্ অমা তোংলগা মবোক্কী মনাক্তা অসুম্ লাক্পোইরে
মথং মথং সুম্ লাক্পদগী ৱারদুনা অঙাংদু উখোং অমদা ঙারদুনা পোথ্থাবদগী তুম্থোক্খ্রে
তান্জা অসিদা নুপী মচা অমা তুরেন্দা ঈশিং শোক্পা লাক্পোইরে
মশক্ মতৌ চঙ্খোল্লবা মথোক্ কারক্পা নুপা মচা অমা উখোংদা ঙাদুনা তূম্লিবা অদু উবদা নুপীমচাগী মপুক্নিংদু অঙক্পা অমদি নুংশিবনা থল্লম্মী
খজিক্তং চঙ্শিন্দুনা য়েংবদা নুপা মচাদুগী কোয়েত্তা চিথি অমা থেত্লিবদু উরে
মহাক্না চিথি অদু লৌরগা ফাক্তোক্তুনা পারে ইমা অঙাংসি হেক্ য়ৌবগা হাত্তোক্পিয়ু
নুপী মচা অদু পাখত্খরে অসুক্ নীংথিজরবা শক্তম্ অসিবু করম্না মাঙ্হল্লসিগে খন্দুনা চিথি মরোল্ ওন্থোক্লে
ইমা অঙাংসি হেক্ য়ৌবগা লুহোঙ্বিয়ু
নুপা মচানা তূম্বা হৌগত্লগা মবোক্কী মনাক্তা চত্খ্রে
মবোক্না মচানা পীরক্পা মরোল্ তাবদা ঙসাই চিথী মরোল্ ওন্থোক্খিবী ফারক্তুনা য়োক্খিবী নিংথৌগী মচানুপী অদুগা মশু নুপাশিগা লুহোঙ্বিরে
অদুগা মশুদুবু পুরদুনা মবোক্না মগী চাওরবা ইঙ্খোল্দু য়েঙ্হল্লী
মীগী শরূ শয়াঙ্ শামু ইরোইগী অকংবা মকোক্ তাদুনা লৈবদু উবদা মবোক্সি হিংচাবীনি হায়্বসি অঙাংদুনা খঙ্লে
অসুম্ কোয়্না য়েংঙক্পদা উনা অমা হৌবা উরদুনা মবোক্তা হংলক্ই অবোক্ অসি করি মনানো
মবোক্না ঈশিং চাউবী মনানি থত্লুনু হায়্বদা নুপা মচানা পত্পত্ থত্লগা খাউদা হাপ্চিল্লি
খরা অমুক্ চত্লগা অবোক্ অসিসিনা করি মনানো
মৈজাওবী মনানি থত্লুনু হায়্রক্পদা পত্ থত্তুনা খাউদা হাপ্চিল্লি
খরা অমুক্ চত্লগা অবোক্ অসিনা করি মনানো
কাক্ফৈজাওবী মনানি থত্লুনু মশূনা পত্ থত্লগা খাউদা হাপ্চিল্লি
অদুদগী মখোয়্ অনীনা ইমুংদা চঙ্লক্পদা নুপা মচানা শিকাদা য়াল্লিবা তুম্বা অনী উখোক্তেন্দা য়ান্বা লীরুং অনীদুসু উরবোইরে
মশুনা হংলক্পদা মবোক্না ইবুংঙো অচৌবা তুম্বা অসিনা ঐগী কোক্নি মচা অসিনা নমাগী কোক্নি
লীরুং অচৌবসিনা ঐগী খ্ৱাঙ্নি মচা অসিনা নমাগী
তুম্বাসিনা কায়্দ্রিবমখৈ নমাগা ঐগগী কোক্ কায়্রোই লীরুং অসিবু থুদেক্ত্রিমখৈদি ঐখোয়্গী খ্ৱাঙ্ তেক্লোই
কাচিন্দা উতোং অমা লৈবা উরদুনা পায়্খত্লগা হাংদোক্তুনা য়েংবদা মীত্ নীপাল্খক্ য়াওরম্মী
কনা কনাগী মীত্নো হংবদা নিংথৌগী মহারানী মরিগী মীত্নি হায়্বা খঙ্লে মসিদি অবোক্ অমুক্ হাপ্চিন্বা য়াখিদ্রা
য়ানি অসুম্ হায়্না হাপ্কদবনি হায়্না মবোক্না মশূ নুপাদুদা মরম্ পূম্নমক্ শুগায়্না তাক্পিরে
নোংমা মথন্তা ঙায়্বা মতম্দা নুপা মচানা তুম্বা অনী লীরুং অনী মমা মরিগী মীত্ হাপ্পা উতোংময়াম্সি পুরদুনা শগোল্ খূরুপ্ থানা থৌদুনা চেল্লক্লে
হিংচাবী মবোক্না মশূনুপাদুবু তান্নরক্লে
ফংনীং ফংমাং তৌবগী অদুৱাইদা খাউদগী মনা অমা লৌথোক্লগা ঈশিং চাউবী নঙ্ চাউহৌরো
হায়্দুনা লংথরম্বদা হনুবী অদু ঈশিং ইপোম্ মরক্ত লাক্শিল্লে
হনুবীনা হায়্ ঈশিং চাউবী নঙ্ ঐগী ঈশিং চাউবী নত্তরা হায়্বদগী ঈশিং চাউবা ফখ্র
অমুক্ তান্নরক্পদা ফংনীং ফংমাং তৌবগী অদুৱাইদা নুপামচাদুনা হায়্ মৈজাওবী নঙ্ হৌহৌরো হায়্দুনা মৈজাওবী মনা অমা লংথরম্বদগী মৈ হৌরক্তুনা হিংচাবীদুগী লম্বীদু ঙাইহাক্ অমুক্ থত্পোইরে
হনুবীনা মৈজাওবী নঙ্ ঐগী মৈজাওবী নত্ত্রা হায়্বদগী মৈ মুত্খি মথংদা কাক্ফৈজাওবী মনা অমুক্ লংথরম্মী
মদুদসু কাক্ফৈজাওবী নঙ্ ঐগী কাক্ফৈজাওবী নত্ত্রা হায়্বদগী কাক্ফৈ ময়াম্ মাঙ্খি
হিংচাবীনা অকন্বা অহৌবা খোল্লাউগা লোয়্ননা অকিবা শক্তম্ উত্লদুনা নুপা মচা অদুবু তন্নরক্খি
ফংগদৌবা খজিক্তা ঙায়্রবদা অঙাং অদুনা লীরুং অচৌবদু পোক্ হেক্ থুদেক্ই লীরুং থুদেক্পা অদুদা হিংচাবীগী মখ্ৱাঙ্ তেক্লে
মখ্ৱাঙ্তেক্নতেক্না শ্রো শ্রো চিংনা তান্নরক্পনা ফংগদৌবা খজিক্তা ঙায়্রবদা তুম্বা অচৌবদু বোপ্ হেক্ থুগাইবদগীদি হিংচাবীদু মকোক্ কায়্দুনা শিহৌরে
নুপা মচা অদু কোনুং য়ৌরক্লে নুপা মচানা নিংথৌদা ঙসিদি লৈবাক্ তিল্হন্বীয়ু কূম্মৈ অমত্তা তৌজগে হায়্বদগী লৈবাক্ তিল্হল্লে
লৈবাক্ মীয়াম্ তিল্লবদা নুপামচানা মানা করম্না হিংচাবী হাত্লম্বা মমা মরিগী মীত্ লৈরম্বা হিংচাবীনা লৌনম্ তৌদুনা মহারানী ওইবা মমা মহারানী মরিবু মমীত্ কোত্থোক্পিরগা উমংদা ৱানা খাঙ্হন্বা ৱারী পূম্নমক্ মীয়াম্দা তম্লে
য়েংবিয়ু সিনা ইমা মহারানীগী খ্ৱাঙ্নি হায়্দুনা মীয়াম্দা উত্লি
মহারানী শারম্বী ফত্ত্রবী হিংচাবীদুনা ইবুংঙো ইবুংঙো হায়্দুনা চেন্শিল্লক্পদা নুপামচানা লীরুং অদু মখুদা থোংদুনা প্রোক্ লাউনা থুদেক্লে
মহারানীগী হান্নগী মিত্রংগী ফজরবা শক্ফম্ অদু মাঙ্খিদুনা হিংচাবীগী অকিবা ফংলবা চাউরবা শক্তম্না মখ্ৱাঙ্ তেক্তুনা শ্রো শ্রো চিংলদুনা নুপা মচা অদুবু হাত্কে হায়্না চেন্শিল্লক্লে
শক্তম্ অদু উবদা মীয়াম্ কায়্দুনা চেন্নরে
নুপা মচাদুনা তুম্বা অদু লৈবাক্তা বোপ্ থাদুনা থুগাইবদা হিংচাবী মকোক্ কায়্দুনা শিরে
নুপা মচানা উমংদা চত্তুনা মমা মরিগী মমীত্শিংদু অমুক্ হাপ্চিল্লুরে
মহারানী মরিদু হান্নগী মতৌগুম্না লোইনা মমীত্ উরে
নিংথৌনা মখোয়্বু কোনুংদা কৌখত্পিদুনা মহারানী নৌনা হাপ্পিদুনা নুংঙাইনা পান্মিন্নরে
নিংথৌগী মচানা মানা নহান্ লুহোংখিবী রাজ্কন্য়া অদুবু লৌশিল্লুরে
অসুম্ তৌনা নিংথৌ অদু মচানে মমৌনে মহারানী মরিনে ময়াম্না সেবা তৌদুনা নুংঙাইনা পান্খিবোইরে
মীনম্বা হায়্বসিনা অওইবা খক্ ওইবা য়াদে
মীনম্দুনা মহারানী ওইখিবী হিংচাবী মরাল্গী মতীক্থোক্পা চৈরাক্ ফংখি
লাইর মচা তরেত্
থায়্না মমাংঙৈদা লৈবাক্ অমাদা লাইরবা মতৈ মনাও অনীখক্না মচা তরেত্ পোক্লম্বোইরে
মচা তরেত্ অসি নোংমতা মবুক্ থন্না পীজবা ঙম্দ্রদুনা মতৈ মনাওনা মখোয়্বু উমংদা থাদোক্উরসি লাইবক্না তম্বা অমা থোক্খ্রসনু হায়্না খন্নবোইরে
অসুম্না খন্নরবা মতুংদা নোংমা মমানা তন্ তরেত্ হৌবিরগা পীরে অদুগা মপানা মখোয়্বু উমংদা উহৈ ৱাহৈ থিরুসি হায়্না পুরক্লে
অঙাং অতোন্বা অদুদি য়াম্না শিংই মাগী তন্ শরূক্ অদু চাথোক্তনা মখোয়্না লাক্পা লম্বেল্ অদুদা মচেত্ মচেত্ থাদরম্মী
মখোয়্না চাউরবা উমং অমগী ময়ায়্ য়ৌরক্পদা মপানা সিদা লৈরম্মু খোঙ্ অমুক্তং হাম্লুখিগে হায়্রম্লগা মফম্ খঙ্দনা মাংথোক্খ্রে
মপা লাক্কদ্রা হায়্দুনা অঙাংশিং অদুনা অসুম্ ঙাইবদা থেঙ্খ্রে মপাদি লাক্ত্রে অঙাং তরেত্ অদু উমংদুদা লম্মাঙ্নরে
ইতোন্ তোন্বা অঙংদুনা ঙসাই থাদরম্বা তন্ মচেত্ মচেত্তুগি খোঙ্গুল্ লীদুনা মচীল্ মনাও তরেত্তু অহিং অথেঙ্বদা ময়ুম্দা থুংলরে
মথংগী অয়ুক্তসু মমানা তন্ তরেত্ হৌবিরগা মপানা মখোয়্বু উমংদা পুরক্লে অতোন্বা অদুদি হান্নগুম্না লম্বীদা তন্ মচেত্ মচেত্ থাদরম্বোইরে
উমং ময়াই য়ৌরক্পদা মপাদু অমুক্ মাঙ্থোক্খ্রে
অঙাংশিংদুনা ময়ুম্দা হল্লগে হায়্দুনা হোত্নরক্পদা ঙসাই অঙাং অতোন্বনা থাদরম্বা তন্ মচেত্শিংদু অমা ফাওবা থিবা খঙ্দদুনা মখোয়্ লোইনা লম্মাঙ্নরে
অঙাংশিং অদু লম্বী খঙ্দ্রদুনা উমংগী অৱাং থংবা মায়্কৈদা অসুম্ লাক্পদা অরাপ্পদা মৈঙাল্ অমা উরে মৈঙাল্ অদু তম্না মখোয়্ তরেত্পরপ্ পরপ্ লাক্পদা য়ূম্ অমা থেংনরে
হো য়ূম্সিবু কনা কনা লৈবগে ঙসি নুমিদাং সিতদি ঐখোয়্ য়ূম্সিদা খরা লেক্চগে হায়্রবদা মনুংদগী নুপীগী অমাগী খোন্জেল্ অমনা য়ানি য়ানি হায়্রক্পদগী মচীল্ মনাও তরেত্তু ইমুংদা চঙ্লক্লে
মখোয়্না হীপ্নবা থৌরাং তৌরিঙৈদা মনুংদা লৈরম্বী নুপী অদুনা শাঊন্গী ফূরিত্ অমা লীত্শিন্বদা মশা অদু ৱাংখত্লক্লে অদুগা মফম্ অদুদগী পাইথোক্খ্রে
ইমুং অদুদা হিংচাবিগী মচা তরেত্ অমসু তূম্লম্মী মখোয়্ তরেত্তু মকোক্তা লূহুপ্ অমমম্ উপ্পী
মচীন্ মনাও তরেত্কী ইতোন্ তোন্বদুদি ঙসাই ইমুংদা হেক্ চঙ্লক্পদগী কোইয়েং য়েংদুনা লৈবোইরে
মখোয়্ তরেত্সু হিংচাবীগী মচাশিংনা হীপ্লিবা মনাক্ অদুদা হীপ্লে মচীন্ মনাও তরুক্ অদুদি কোয়্না লম্শাং চত্লক্পগী ৱাদুনা হেক্ তাবগা তুম্থখ্রে অতোম্বা অদুদি তূম্বা য়াদ্রে
ইমুংদুগী কাচিন্ কোইয়া অসুম্ য়েংলক্পদা মী শাগী শরূ শয়াঙ্ ঙাক্তা তাদুনা লৈবদু উরুবদা হিংচাবীগী য়ূম্নি মখোয়্না লৈরিবসি হায়্বসি খঙ্লে
মানা হৌগত্লগা তূম্দুনা লৈরিবা হিংচাবী মচাশিংগী মকোক্তগী লূহুপ্ তরেত্ অদু লৌথোক্লগা মখোয়্ মচিন্ মনাও তরেত্কী মকোক্তা উপ্শিল্লে অদুগা মাসু চঙ্দুনা হীপ্খ্রে
ঙাইহাক্ লৈরগা হিংচাবী অদু ঙরং ঙরং ঙংলদুনা পাইরক্লে শাঊন্গী ফূরিত্ অদু লৌথোক্লগা ফক্লাংদা য়ান্শিল্লে অদুগা তূম্লিবা মখোয়্গী মকোক্তা মাররে
লূহুপ্ উপ্তবা মখোয়্ তরেত্ অদু অমমম্তা ওইনা মঙক্ মেত্থত্লগা হাত্তোক্লে অদুগা পুথোক্খ্রে ঙাইহাক্ লৈরগা মাগী তূম্ফম্দা চঙ্দুনা তূম্খ্রে তূম্থখিবা ইকুইকুইদনা নাখোক্পগী মখোল্ তারে
তান্জা অসিদা মনাও ইতোন্ তোন্বা অদুনা ময়াম্বা তরূক্ অদুবু লোন্না হৌদোক্লগা হায়্রম্মী মফম্ অসিদা ঐখোয়্ পন্থনা লৈবা য়াদ্রে মসি হিংচাবীগী য়ূম্নি খুদোংথীবা থোক্লগনি চেল্হৌরসি মখোয়্ লোইনা হৌগত্লগা ইমুংদগী মপাল্ থোরক্লে
অতোম্বা অদুনা হিংচাবীগী শাঊন্গী ফূরিত্ অদু পায়্দুনা পুথোরক্লগা মপান্দা লীত্শিল্লে ফূরিত্ অদু হেক্ লীত্শিন্বগা মশা অদু খংৱাং ৱাংখত্পোইরে
ফূরিত্ অদুগী মিত্রংগী পাম্বৈনা ময়াম্বা তরূক্পু ইরায়্ লায়্না অরাপ্পা চীং অমদা পুরক্লে
তাল্লক্ অসিদা হিংচাবীদো মীকপ্ থোক্লক্পোইরে মানা সুম্ য়েংলক্পদা ঙসাই মানা হাত্লুরিবশিংদো অতোপ্পা অমত্তা নত্তে মচা ঙাক্তনি খঙ্লক্পদা শাউরদুনা হন্না য়েংলক্পদা অতোপ্পা অঙাং তরেত্ অদুদি লৈরম্দ্রে
অদুনা থীন্দনা মখোয়্ তরেত্না চত্খিবা মায়্কৈ অদোম্দা তান্নরক্লে ফূরিত্ অদুসু লৈত্রবনিনা হেন্না য়াঙ্না চত্পসু ঙম্দ্রবোইরে
মচীল্ মনাও তরেত্না চীংদোঙ্ অমা কাখত্লক্পদা হিংচাবীনা মখোয়্বু তান্নরক্পদু উরে নুঙ্জাও লৈবা মফম্দা লুম্দুনা লৈরে
হিংচাবীনা য়ৌশিল্লক্তুনা চীংদু কাখত্লক্পগী অদুৱাইদা তাদ নুঙ্ থাদরো অতোম্বনা লাউরক্পদা মচীল্ মনাও অহুম্না নুঙ্ থাদদুনা হিংচাবীদু হাত্লে
হিংচাবীগী অশিবা হক্চাংদু চিংখোঙ্দা তাহৌরে
হিংচাবী হাত্লবা মতুংদা মচিন্ মনাও তরেত্ অদু মিত্রংগী ফূরিত্কী পাম্বৈনা অৱাঙ্ পাংনা লাক্তুনা কোনুং অমদা থুংলরে
কোনুংদুদা লৈরম্বা নিংথৌদুগা ৱারী ৱাতাই শান্নবদা মখোয়্না হিংচাবী হাত্লম্লে তাবদা নিংথৌদো হরাওবগী ঙম্খৈ লৈখিদ্রে
মরম্দি হিংচাবী অদুদা মাগী লৈবাক্কি মী অমমম্ নুমিত্ খূদিংগী চাক্থাক্ হুল্লম্বনি
হরাওমন্খিদুনা নিংথৌনা মাগী লৈবাক্ তংখায়্ অমা মচীন্ মনাও তরেত্তা পীদুনা মনা মথুম্ কয়া অমা ফংহন্দুনা নুংঙাইনা পাল্হন্খি
মতুংদা মখোয়্না মমাগা মপাগদু লৌরুরগা নুংঙাইনা লৈমিন্নখি
পোক্লবদি কান্নবা লাক্ই লৌশিং লৈবা অমনা তরা শৌজত্পা ঙম্মী হায়্নবগুম্ লৌশিং লৈবা মনাও ইতোন্ তোন্বগী মপান্দগী মমা মপা মচীল্ মনাও লোইনা নুংঙাইখি
পেবেত্না শামূ লম্শাদা লমন্ খূম্বা
থায়্না মমাংঙৈদা মোংশোঙ্ অমদা মহুম্ শাদূনা পেবেত্ অমগা মচা পিশক্ পিশক্ খরগা ঈংনা চিক্না লৈজবোইরে
অনৌবা মরূম্ খরা অমসু কোক্তূনা পেবেত্তূ মরূম্সূ কোন্বোইরে
নোংমদি শামূ খরা পেবেত্না মরূম্ কোক্লিবা মচা ময়াম্গা লৈমিন্নরিবা মফম্ অদু তম্না লাক্লেদো মখোয়্না মহুম্ অদু য়ৌশিল্লক্লবদা পেবেত্ মচাশিং অদুনা মমাদা হায়্বোরে ইমা কম্দৌনি শামূশিং অসি য়ৌশিল্লক্লে
ঐখোয়্গী ইহুম্কাসি নেত্খায়্দুনা ইমা ইচা ঐখোয়্ পুম্নমক্ শিবা তারে
শল্লুপ্কী লুচিংবদা ইমানা অমুক্তা নেত্খায়্বিনু হায়্বিয়ুবা
পেবেত্ মমানা থোরক্লগা শামূ শল্লুপ্কী লূচিংবদা হায়্রক্পোইরে শামূ শল্লুপ্কি লূচিংবা অমদি মরুপ্ মপাঙ্ পুম্নমক্ মফম্ সিদ ইচা পিশক্ পিশক্শিং লৈ অদুগা ইরুম্সু কোক্লি মরুপ্শিংনা চান্বীদুনা মখোয়্বু নেত্খায়্বীগনু থৈদোক্তুনা চত্পিয়ু
পেবেত্ মপীনা হায়্জবা ৱাসি তাবীদুনা শামূ পুম্নমক্ থৈদোক্ থৈদোক্তুনা চত্নখ্রেদো
অদুবু খ্ৱাইদগী মনীং থংবা অদুদি মী উশিত্তবা মঙক্ কন্বা মীনুংশি খঙ্দবা ৱাংই চাউই হায়্বগী নাপল্ য়াম্না কাবা শামূ লম্শা ওইরবোইরে
মানা থাওই উশিত্তনা হেরা পেবেত্ পীক্কনাউ নঙ্না হায়্রগা ঐনা হেক্ য়াগদ্রো
মীগী লম্বীদা কৈদৌনগি নহুম্ শাজিল্লি নরুম্ কোক্শিল্লি
হায়্রগা পেবেত্ মচা অমদি মরুম্শিংদু মখোঙ্ অচৌবা য়ুম্বী মান্বদুনা অমুক্তঙ্ চবেত্ চবেত্ নেত্খায়্রম্লগা চত্খিববু পেবেত্ মপীদু মচা ময়াম্ শিখিবগী মৈচাক্কা লোয়্ননা কোয়্পাই পাইদুনা চেক্ চেক্ খোংদুনা তেংথাখিবোইরে
শামু লম্শা অদুবু য়েংদুনা চৈখি নঙ্না ঐখোয়্সিবু পীক্ই হায়্দুনা উশিত্তবনিকো
ফৈ ফৈ লম্হেন্বা শামু অপীক্পগী ইতীক্ খঙ্উ ইচা শিখিবগী নথক্তা লমন্ খুম্গেদো
শামু লম্শাদো করিমত্তা তাশিন্নদনা ময়াম্গী মতুং ইল্লদুনা চত্খ্রে
পেবেত্না শামুদা লমন্ খুম্বা হৌরক্লেদো
শামু লম্শাদুগী ময়াঙ্লেন্দা তোংলগা মচীন্না দক্ দক্ হন্বোইরে
অসুম্না তোয়্না হল্লক্পদা শয়োন্ ফাওরে
অদুদগীদি পেবেত্না মরুপ্ হয়িং ময়াম্দা হায়্জদুনা শামু ময়াংলেন্গী হুত্লিবা মফম্ অদুদা মরুম্ থুজিল্হন্দুনা তীন্ চাহল্লে নাই ওম্হল্লে
অসুম্ তৌদুনা ময়াংলেন্দা শাথীনা পোম্লক্পদগী নাপল্ চাউবা লম্ হেন্বা শামু অদু নোংমদি বোম্ তুদুনা শিরেদো
পেবেত্না পেল্লদুনা তস্ খঙ্ব্রা লম্হেন্বা শামু লম্হেন্খোদনা হায়্রম্লগা মফম্ অদুদগী পাইখিবোইরে
চাউই কল্লি হায়্দুনা অপীক্পা অশোন্বশিংবু উশিত্ থওইদবা হৌনদে
অপীক্পা পেবেত্না নাপল্ চাউরবা শামু লম্শাবু ইরায়্ লায়্না মায়্থীবা পীখি
লুখ্রাবী মচা জাত্রা
থায়্না মমাংঙৈদা লাইরবী মুখ্রাবী অমগা মচানুপা জাত্রা কৌবা অমগা খুঙ্গং অমদা লৈরম্বোইরে
মচানুপা অদুনা পাখং ফারক্লবদা নোংমা মমাদা হায়্রক্ই ইমা ঐখোয়্না লাইররিবা অসি কোক্ননবা খুরানা হিদিঙ্গা লল্লোন্বা চত্লিবশি ঐশু য়াওরুগে ইমানা খুরদা অমুক্ত হায়্বিরু
মমানা ইবুংঙো হিদিঙ্গা লল্লোন্বা চত্পা হায়্বসি নুংঙাইবা থবক্ নত্তে
ওন্থোক্না ৱাখ্রবা থবক্নি
হিত হোন্দুনা তূম্ফম্ চাফম্ খঙ্দনা চত্কদবনি
নশা নহা য়াম্না ওইরি ৱাদুনা তোক্কনি কন্নরোই হায়্দুনা ফনা য়াম্না খাম্জৈ
অদুবু মচানা চত্নীংবগী ময়ায়্না হন্না হন্না তক্শিল্লক্পদুদদি খাঙ্বা ঙম্দ্রদুনা চত্তা চত্খ্রসনু হায়্দুনা মখুরাগী মনাক্তা চত্লগা মচানুপা জাত্রাবু হিদিঙ্গা লল্লোন্বা চত্পা পুবিয়ু হায়্রুরে
মখুরানা অঙাং ওইমল্লি করি কান্নবনো ৱাদুনা তোক্কনি হায়্দুনা অহান্বদা য়ারম্দে
অদুবু জাত্রা মমানা হন্দক্তদি পুবিরো ৱারগা মতুংদা মরাইনা তোক্চখিনি হায়্বদগী য়ানীং য়ানীংদনা য়ারে
মথংগী নুমিত্তা চাক্ঙন্ চারগা মপা মচাদু তুরেল্গী মখা পাংনা হি হোন্থরক্পনা নুমিত্ হুম্নি লেপ্তুনা চত্লবগী মতুংদা নুমিত্তারম্দাইদা লম্ অমা থেংনদুনা হি অদু লৈরায়্দা পুন্শিল্লম্লগা মখোয়্ অনী তোর্বান্দা কাখত্লক্লে
মখোয়্ অনীনা চঙ্শিন্দুনা অসুম্ য়েংবদা হিংচাবীনা চাথোক্খিবদগী লম্ অদুদা মী কনা অমত্তা তারম্দ্রে
মখুরানা জাত্রাবু হি শঙ্উ হায়্দুনা শঙ্হল্লম্লগা ইন্শাং নাপী থিবা চত্খিবোইরে
জাত্রানা মথন্তা তোর্বান্দা অসুম্ লেপ্তুনা লৈরিঙৈদা খরা লাপ্তক্না নুপী মচা খরা ৱারী শান্নবগী মখোল্ তায়্
কোয়েং য়েংবদা মশক্ মতৌ ফজরবী নুপী মচা অনীখক্ ফক্তা ফম্দুনা খুল্লোক্পী শান্নাদুনা লৈরম্বদু হেক্ উরুরে
কনা কনানো হংগে হায়্দুনা চঙ্শিন্খিবদা লৈশাবী মচা অনীদু জাত্রা উবদা মফম্ ইখঙ্ খঙ্হৌদনা শ্ৱাই মাঙ্থোক্খ্রে
মখোয়্না ফম্লম্বা সনাগী ফক্ অদুদি তাদুনা লৈহৌরে
জাত্রানা চঙ্শিল্লগা ফক্ অদু পায়্খত্তুনা য়েংলিঙৈদা মখুরাসু হল্লক্তুনা উনররে
থোক্খিবা থৌদোক্ পুন্নমক্ মখুরাদা তম্দুনা তাহল্লবদা মখুরানা হায়্রক্ই লৈশাবীশিংদো হেল্লোয়্ শোয়্দনা ওইরম্গনি
কান্নদে চত্সি সনাগী ফক্ অসিনা নমা নচাগী লাইরবা হৌদোক্নরো
মখুরাগী ৱাদু তাবাদা জাত্রানা খুরা ঐ লৈহৌখিগে লৈশাবী অনীদো মীরা লাইরা খঙ্দ্রিবা মখৈ য়ূম্দা হল্লরোই হায়্দুনা শিখাঙ্ খাঙ্দুনা লৈহৌরে
ফরে অদুদি ঐ চত্লুখিগে ফক্ অসি নমাদা পীরম্লগা চয়োল্ অমা হেক্ ফাবগা মফম্ অসিদা লাক্কে হায়্রম্লগা মখুরাদু ময়ুম্ মায়্কৈ তম্না হি হোন্দুনা চত্খ্রে
জাত্রানা থেংনখিবা লৈশাবী অনী অদু অমনা শোরারেন্গী মচানুপী মেনু লৈমনি অমনা পাতাল্ নিংথৌগী মচানুপী লৈনু লৈমনি
মখোয়্ অনীমক্ হয়িং ওন্বা ঙম্ই
জাত্রানা লৈশাবী অনু কদাইদা চত্খ্রবগে হায়্দুনা কোয়্রৈ লৈদুনা য়েংবদা চত্খিফম্ খঙ্দ্রে
ঙসাই মখোয়্ অনীনা ফম্লম্বা নুঙ্পাক্ অদু হাইগত্তুনা য়েংবদদি শুরুং মচা অমা লৈরম্লে
জাত্রানা শুরুং মনুংদা মা মারদুনা কূম্থরক্লে
অমম্বা মরক্তা অসুম্ মা মাদুনা কূম্থরক্পনা অঙান্বা মফম্ য়ৌরদুনা মথং মথং লাক্পনা ফজরবা পূখ্রি অমা থেংনরে
পূখ্রিদুগী মপান্দা লৈনু লৈমনা ঈরুজবা লোইরদুনা মশম্ হাত্তুনা লৈরম্মী
জাত্রানা লৈনু লৈমা উবদা মাঙ্খিবা লৈশাবী অনীদুগী মরক্তা অমনি হায়্বা খঙ্লদুনা লোন্না তপ্না নাপী মরক্তা পাক্থ পাক্থ চত্খ্রগা শম্জেত্ হাত্লিবী লৈনু লৈমগী মখুজেং তাপ্ পায়্রুরে
লৈনু লৈমনা খংদুনা হন্না য়েংথোরক্পদা মাগা থেংনখ্রবা নুপাদুনি হায়্বা খঙ্লে
জাত্রানা ইবেম্মা নঙ্বু তাইবঙ্ মীরা নত্ত্রগা খোইয়ুম্ লাইরা হংলক্পদা লৈনু লৈমনা ঐদি পাতাল্ লৈবাক্ অসিগী নিংথৌগী মচানুপীনি
ইমিংনা লৈনু লৈমা কৌই খুম্লক্ই
অদুদগী লৈনুনা অমুক্ নঙ্বু ইবুংঙো ঙসাই ইতা মেনু লৈমগা ঐখোয়্ অনীনা খুল্লোক্পী শান্নরিঙৈদা লাক্খিবা নুপাদুরা হংলক্পদা জাত্রানা মানি নখোয়্ অনীবু থিরক্লিবনি হায়্না খুম্ই
লৈনুনা অদুদি ইবুংঙো মফম্ অসি কুইনা লৈবা য়াদবা মফম্নি
লৈবাক্ অসিদা ঐ নত্তনা কনাগুম্বা অমত্তা লৈত্রবনি
ঐগী ইমা ইপা মীয়াম্ পুন্নমক্ হিংচাবী অমনা লোইনা চাথোক্খ্রে
ঐ খক্তং মাগী সেবা তৌনবা খাক্লি
হিংচাবী অদু মচীন্জাক্ থিবা চত্খ্রি
মহক্ লাক্লবদি ইবুংঙো নঙ্ থৱায়্ মাঙ্বা শোয়্দ্রে হায়্রক্পদা লুখ্রাবী মচা জাত্রানা শিরবসু চঙ্লবসু অদু মঙায়্রে ঐদি ইবেম্মা নঙ্বু পুদনা চত্পা ঙম্লোই খুম্লক্ই
তন্জা অসিদা হিংচাবী পাইরক্পগী শাউম্ তরক্পদা জাত্রানা মপানা তক্পিরম্বা লাইৱাদু মখুবাক্তা শোল্লগা মশা পূম্বা নান্থবদা খূদক্তা পীক্খ্রবা সনাগী হয়িং অমা ওন্দুনা লৈনু লৈমগী হক্চাংদা তোংলরে
হিংচাবীনা মানা ফাদুনা পুরক্পা শামুদু থনম্লগা লৈনু লৈমগী নাক্তা চঙ্শিল্লক্পদা মীনম্ নম্দুনা মীশা চানীংই মিনু নম্ই হায়্রক্পোইরে
মদু তাবদা লৈনু লৈমনা করি ইবেন্ ঐবু চাবীরগে হায়্ব্রাও সিদা লৈরিসিদি ইশু ইবেন্তনি হায়্রক্পদা ইশুবুদি করিগী চারুগদগে হায়্রম্লগা হিংচাবীদো মানা ফারক্পা শামু লম্শাদু চাথোক্লে
নোংঙাল্লগা হিংচাবীনা মচীন্জাক্ থিবা চত্খ্রিঙৈদা জাত্রা সনাগী হয়িং ওল্লম্বদগী মী অমুক্ ওল্লক্লে
লৈনু লৈমনা ইবুংঙো হিংচাবীনা চত্খ্রিঙৈদা ঐখোয়্ মফম্সিদগী চেল্হৌরসি হায়্রবদা জাত্রানা ইবেম্মা নঙ্বু পোক্পা নপা নিংথৌ নমা মহারানী অমদি লৈবাক্সিগী মীয়াম্বু চাথোক্খিবা হিংচাবী অসে হাত্তনা ঐ চত্লরোই হায়্বদগী মখোয়্ অনী হিংচাবী অদুবু মতৌ করম্না হত্কদগে হায়্বদু তান্নরে
ঙাইহাক্ লৈরগা হিংচাবীদু পাইরক্লে
হিংচাবীনা মনাক্তা চঙ্শিল্লক্পা উবদা লৈনু লৈমনা ঙসাই তান্নখিবগী মতুংইন্না শিখ্রবা মমা মপা কৌদুনা কপ্শিন্লাউশিন্নরে
হিংচাবীনা লৈনু লৈমদা করিগী কপ্লিবনো হংবদা লৈনু লৈমনা ইবেন্ নঙ্দি অহল্ সুম্ ওইশিল্লক্লে নোংমদি শোয়্দনা শিরগনি
নঙ্না শিরবদা ঐদি লৈমিন্নহৌনবা কনাসু লৈত্রে ইপা নিংথৌ ইমা মহারানী অমদি লৈবাক্সিদা লৈরম্বা মীয়াম্ নঙ্না নোংমা নোংমগী চরা তম্ তম্দুনা লোইনা চাথোক্খ্রে
অসুক্ চাউখ্রবা পাতাল্ লৈবাক্সিদা হিংহৌরিবা হায়্ববু ঐ ইথন্তা ঙায়্রেদো অদুনা নঙ্ শিরবা মতুংদা কনাগা লৈমিন্নহৌগদগে হায়্না পূক্নিং নুংশিদুনা কপ্লিবনি হায়্বোইরে
লৈশাবীদুগী ৱাদু তাবদা হিংচাবীদুনা নোক্তুনা হায়্রক্ই হায়্ অদুগীদমক্তবু কপ্পা হৌনবরা অপঙ্বী নবেন্দি শুক্শি শিরোইদবনে
য়েংউ আ উথক্তা থেত্লিবশিং অসি উবরা
তুম্বা অসিনা ইবেল্গী কোক্নি লীরুং অসিনা খ্ৱাঙ্নি অদুগা সেম্বাং মহুম্ অসিদা লৈরিবা শেম্বাং মঙাসিনা ইবেন্গী থৱায়্ মঙানি
মখোয়্শিং অসিনা হেক্ লৈরিবমখৈ নবেন্ শুক্শি শিরোই
কপ্কনু তোক্লো
হিংচাবীগী ৱাদু তাবদা লৈনু লৈমা কপ্পা তোক্তুনা নোক্লে হায়্রক্ই শিবু শিরোই হায়্রবদি ইবেল্ চত্নিংবা মফম্দা চত্লু ঐ নঙ্গী নয়ুম্ নকৈ শঙ্দুনা লৈগে
অসুম্না মখোয়্ অনী হরাওনা ৱারী শান্নদুনা অহিং অদু লেল্লে
সনাগী হয়িং ওন্দুনা লৈরিবা জাত্রাসু মখোয়্ অনীনা শান্নখিবা ৱারীদু লোইনা তারে
নোংঙাল্লদুনা হিংচাবীনা মচীন্জাক্ থিবা চত্খ্রিঙৈদা সনাগী হয়িং ওন্দুনা লৈরম্বা জাত্রানা তাইবঙ্ মী ওল্লক্তুনা লৈনু লৈমগা লোয়্ননা হিংচাবী হাত্নবা থৌরাঙ্ শীন্বা হৌরক্লে
হিংচাবীনা হায়্খিবা উ অদু কাখত্লগা জাত্রানা লীরুং অদু তাপ্ পায়্বদা অরাপ্পা চীঙ্গোন্দা চাউরবা লাইরেন্ অমা ফাগে হোত্নরিবা হিংচাবীদু মতু মমান্ ক্ষাও চুংবোইরে
করিগুম্বা অমা থোক্পা তারে হায়্দুনা হিংচাবী লাইরেন্ ফাগে তৌরম্বদু তোক্তুনা ময়ুম্লোম্দা পাইরক্লে
হিংচাবীনা ঙরং ঙরং ঙংলদুনা পাইরক্পদু তাবদা জাত্রানা লীরুং অদু পেক্ লাউনা থুদেক্লে
মখ্ৱাঙ্ ওইরিবা লীরুংদুনা তেক্লবদা হিংচাবী পাইরম্বদগী লৈমায়্থক্তা বোম্ লাউনা তাবোইরে
তারিবা মফম্দুদগী হিংচাবীনা লৈবাক্তা শীত্ শীত্তুনা লক্পনা ময়ুম্ য়ৌগদবা খজিক্তা ঙায়্রবা মতম্দা জাত্রানা তুম্বা অদু বোপ্ লাউনা থুগায়্বদা হিংচাবী মকোক্ কায়্রে
মকোক্ কায়্না কায়্না চেন্শিল্লক্তুনা মখুত্ অশাংবা মতু জোম্ জোম্ লাউবদু তিংথোক্তুনা লৈনু লৈমগা জাত্রাগা অনীবু ফাগে তৌরবদা জাত্রানা শেম্বাং মহুম্দগী শেম্বাং মঙাদু মখুত্না পেত্ পেত্ মেত্তুনা হাত্তোক্লে
শেম্বাং মঙাদু মেত্খায়্দুনা হেক্ হাত্তোক্পগা হিংচাবী অদু খংলাউ লাউরম্লগা ঈ ওদুনা শিরে
হিংচাবী শিরবা মতুংদা জাত্রাগা লৈনু লৈমদু শুরুংদগী ফাওদোরক্লগা খুল্লোক্পী শান্নফম্ য়ৌরে
মফম্ অদু য়ৌবগা লৈনু লৈমনা হায়্রক্ই ইবুংঙো ঐবু লৌবিগে হায়্রবদি ইতা মেনু লৈমবুসু লৌবিয়ু
ঐখোয়্ অনী য়ুম্ পান্গনুসি হায়্নৈ পান্বা তারগনা নুপা অমত্তদা পান্মিন্নসি ঙাঙ্নৈ
জাত্রানা ৱাফম্সি য়ারবা মতুংদা লৈনু লৈমনা নুঙ্পাক্ মথক্তা লেপ্লগা মতা মেনু লৈমবু কৌরক্পদা মীকুপ্ অমগী মনুংদা মেনু লৈমা মফম্দুদা থুংলরে
মেনু লৈমনা হেক্ লাক্পগা জাত্রানা চোংশিন্দুনা মখুদাং পায়্বদা মেনু লৈমা খংদুনা খঙ্চেন্ চেন্গে তৌই
শাউদুনা লৈনু লৈমদা হায়্ ইতা করি মতৌনো নঙ্না তৌরিবসে ঐদি তাইবঙ্ মীনা শোক্লে করম্ তৌনি মাইরম্লেন্দা তিন্বা য়াররোই
মতুংদা তপ্থ ইংথনা ৱারী পূম্নমক্ শানরবদা মখোয়্ অনী নুপা অমত্তদা লৈমিন্নসি হায়্বা য়ানরদুনা মখুরানা হি পুরক্পা ঙাইরগা মখোয়্ মরি হি তোংদুনা জাত্রাগী ময়ূম্দা লাক্খি
মেনু লৈমনা পুরক্পা তম্ফা খুদোপ্ য়াইওইবা অদুনা থোক্উ হায়্বদা থোক্তুনা মখোয়্ অহুম্ নুংঙাইনা পান্খি
থৌনাবু লৈরবদি থোক্অবা অমা লাক্ই
থৌনা লৈবা জাত্রানা লাইগী মচানুপী অনী লৌদুনা নুংঙাইনা পান্খিবা মথৌনা মরীংজেল্গী মপান্ননি
নাপংবা ইমুং
থায়্না মমাংঙৈদা খুঙ্গঙ্ অমদা মনা য়াম্না থীনা পঙ্বা অহল্ অমা লৈরম্বোইরে
মাগী নুপী অদুসু য়াম্না কন্না নারুবদগী মনা অদু য়ৈশিন্খিদুনা মীনা ঙাঙ্বকাসি ইতা তাদ্রবোইরে
মচানুপী অদুসু নাপঙ্বা অহল্শিংদুগা লৈমিন্নবদগী মনা তশেংনা পঙ্দ্রবসু নাপ্ সেন্দানবা শেরান্ তুরান্ ঙাঙ্বদি অদুম্ তৌবোইরে
ইমুং অদুদা লৈরিবদু মখোয়্ অহুম্তনি
নোংমা অয়ুক্ অমা না পঙ্বা অহল্দুনা মরু মরাং ইন্শাং নাপী খরা থাগে হায়্দুনা মাগী ইংখোল্গী অৱাংথংবা শরূক্তা শন্বোত্ কন্না খোইদুনা লৈবোইরে
মদু উবদা হনুবী মদুনা হনুবসি ষন্বোত্ খোইখরে মসিনা লোইরক্পদা চাক্ লোইদ্রবদি ঙাঙ্বা চৈবনা মতা অমা তৌরনি লৈফম্ লাক্ফম্ খঙ্লরোই চাক্ থোংলুরগে হায়্দুনা প্রপ্ প্রপ্ ঈরুজথোক্লগা চাখুম্দা চঙ্দুনা চাক্ মৈ থাগত্পা হৌখ্রে
মচানুপী অদুসু মতম্দুদা ইংখোল্গী নোংপোক্ থংবা লৈপল্ ময়াদা হৌবা লফূ পাম্বীদগী লা হেক্তুনা লৈরম্বোইরে
তান্জা অসিদা অতোপ্পা খুঙ্গংদগী লাক্পা নুপা অমসু শন্ লৈগে হায়্দুনা লাক্পোইরে
নুপা অদুনা লৈশাবীদুদা ইবেম্মা খুরা চাউথোইখোয়্গী য়ুম্ অসি ওইরব্রা হংলক্পদা লৈশাবী অদুনা মানি করি ওইবিরবনো হায়্দুনা খুম্লক্ই
নুপা অদুনা হায়্রক্ই ইবেম্মা খুরাবু লৈতবরা
লৌ শুবা য়াবা শন্ অমা য়োন্গনি হায়্বগুম্ তাবা অমুক্তা হংজগে লাক্পনি
হায়্রক্পদা নুপীমচা অদুনা শন্বোত্ খোইরিবা মপাবু কৌরগা হংলক্ই হো পাবা হো পাবা ঐখোয়্গী শন্ য়োন্গদবা লৈবরো মী লাক্ইয়ে
মসি তাবদা মপাদুনা হৈ নখোয়্নবু করি খঙ্বগে
কারন্মক্সু থুংদরি য়োত্লম্ কাল্লে কাল্লে হায়্দুনা কোয়্লাউ লাউরিবসিবো হায়্না শাউরপ্না খুম্লক্পোইরে
অহল্ অদুনা খোন্জেল্ কন্না শাউনা খুম্লক্পদু তারগা চাক্খুম্দা চাক্ থোং লিবী মমাদুনা শাউনা খুম্লক্ই ইমুংসিগী মীশিং অসিবু করিনো
তিন্নবা ৱাদৌরিদা মৈ থাগত্পদা মঙায়্রি চেঙ্ফাও শূদরি অদুগা কাথি নম্লে হায়্দুনা ইংখোল্ মতোন্দা কোয়্লাও লাউরিসিবো
অদুদগী লা হেক্লিবী নুপীমচাদুনা শন্ লৈবা লাক্লিবা নুপাদুদা হো তাদা শন্ য়োল্লরোই হায়্য়ে হায়্রক্পদা নুপা অদুনা ইঙক্ ঙক্না ইহে হায়্রম্লগা চত্খ্রে
নোংমসু লৈকায়্গী মনা পঙ্বা নুপা অমনা উত্সোব্কী কোর্ফু ৱায়্বা লাক্পোইরে
হনুবীদুদা মহাক্না ইন্দোন্ কোর্ফু অদু ঙসি উত্সোব্কীদমক্তা খরা ৱায়্জগে হায়্রক্পদা হনুবীনা হা ইবুংঙো নঙ্ খুরাসু ময়াদু য়াওদ্রেদো ইন্দোন্সু অকন্বা শায়্বকাসি কয়া নুংঙাইত্রদনা উতি থোংগে তৌরিয়ে হায়্রক্ই
মদু তাবদা কোর্ফু ৱায়্গে লাক্পা নুপাদুনা ইহে হোরবোরে পাম্মুখ্রেদা হায়্রম্লগা চত্খরে
মী কনাসু মশাগী অশোয়্বা উত্থোক্নিংদে
অশোয়্বা উত্তনবা হোত্নবদা অশোয়্বা কয়া তৌরিবা মশানা খঙ্জদে
তোক্পা লান্দাবা
য়েম্বা লাবা অমগা অমোম্ অমগা মখোয়্ অনী মচা তরেত্কা লোয়্ননা য়ুম্অমাগী য়েন্নখাদা য়েন্গোল্ অমদা নুংঙাইনা লৈজবোইরে
তোক্পা অমসু নুমিত্ খুদিংগী য়েন্গোল্ ময়াদু ফাওদুনা হেক্ হেক্ চত্পোইরে
নোংমদি তোক্পদুনা য়েম্বা লাবদুদা হায়্রক্পোইরে
হায়্ য়েম্বা নচাশিংদি কয়াম্ চাউজরে
য়েম্বনা খুম্মক্পোইরে চাওরে খুরা মচিন্জাক্ খুন্বা ঙম্জরে
এ অদুদি মতম্ হেন্দোক্খ্রনি ঐগীদা থরক্উ লাইরিক্ তম্বিবা হৌরগে
হোয়্ হোয়্ খুরা থজরক্কে
অসি হায়্নদুনা য়েম্বা লাবনা মচাশীংদু তোক্পগীদা লাইরিক্ তম্বা থারেদো
অদুদৈদি খুদোংচাবা ফংঙদুদৈদি তোক্পদুনা নোংম নোংমগী য়েন্নাউ অমমম্ সুম্ চাথোক্খিবদগীদি মমৈথঙ্দদি য়েন্নাউ মচা পিক্ত্রু অমখক্ত মঙাইহৌরে
মদুসু মানা নোংমা তাপ্ ফারগা প্রোক্ প্রোক্ শায়্দুনা চাথোক্খ্রে
হৌজিক্তি তোক্পদু চানিংঙাই লৈত্রেদো
করি তৌসিগেদনা সুম্ লাক্পদা য়েম্বা লাবদু থেংনদুনা হংলক্পোইরে
হায়্ য়েম্বা ঙসি অহিংদি নখোয়্ কদায়্দা লেক্কনি
মচা ময়াম্মথং মথং চাথোক্খিবদুদগী চানিংঙাই লৈত্রদুনা মখোয়্গী লেক্ফম্ হংলগা অহিং লাক্তুনা মখোয়্বু ফারগা চাগে হায়্রিবনি হায়্বসি খঙ্লদুনা য়েম্বানা খুম্মক্পোইরে
খুরা নুংশিখ্রেদকো ঐখোয়্বু কদায়্দা শোয়্খিগদগে খন্বীদুনা হংবীরিবনিকো ঙসিদি য়েন্নখাদা লেক্চগে
তোক্পনা ফরে ফরে হায়্রম্লগা চত্খরে
অহিংদা তোক্পদু লাক্এদো য়েন্থিবা
য়েন্নখাদা থিরুবদা ফংদ্রে মরম্দি তোক্পদো অহিংদা মখোয়্বু থিবা শোয়্দনা লাক্কনি খঙ্বনিনা য়েঙ্গাইদা কাদুনা লেক্লে
নোংঙাল্লে তোক্পা লাক্এ য়েম্বা য়েংদুনা শাউনা হায়্রক্পোইরে
নখোয়্দি ঙরাং অহিং য়েন্নখাদা লেক্সু লেক্তনা
ঐঙোন্দা নচিন্ থীবোইরে
ঙসিদি কদায়্দা লেক্কনি
ঙসিদি মাঙ্গোন্দা লেক্কনি
অসুম্না ওন্ন তৈন ওন্ন তৈন হায়্জিন্দুনা তোক্পদো মখোয়্দৌ শাউগত্হল্লেদো
মরক্সিদা য়েম্বা লাবনা মচাশিং হাত্খিবগী লমন্ খুম্গে হায়্দুনা তোক্পা হাত্নবা মীচং খোম্বা হৌরে
য়েরুম্ ঙক্রা ৱায়্খু খোই য়েতুম্ তোর্বোত্ শূম্বল্ থেঙ্গুনচিংবা মরুপ্ ময়াম্ খোম্লেদো
মখোয়্ লোইনমক্ তোক্পাদা লান্দাসি হায়্ বা য়ানরে
অহিং ওইরে মরুপ্শিং অদু লান্থোঙ্ শীন্নদুনা মাগী মাগী চপ্ চপ্ চাবা মফম্দা লৈনখ্রে
হায়্নখিবগী মতুং ইন্না তোক্পদো লাক্এদো
ঙসিদি শোয়্দনা চাবা তারে
য়েম্বাগা য়েম্বীগদু য়ুম্য়ায়্দা শোয়্দনা লেক্লম্গনি
হাউখ্রনিদা হায়্দুনা মতিল্ কুত্ কুত্ য়োত্লদুনা মখোঙ্গা চাউগান্ চাউগান্ কাল্লদুনা লাক্পোইরে
য়ুম্ য়ৌরদুনা ইমুং চঙ্ঙক্এদো তোক্পদো
ইমুং চঙ্ঙক্পদদি পুম্মম্ মম্মম্মে
মা মাদুনা য়েম্বা থিবা হৌরক্পোইরে
থিবা ফংদবদৈদি কৌরক্এদো হো য়েম্বা হো য়েম্বী নখোয়্বু কদায়্ কদায়্দা লৈগেনে
পুম্মম্ মম্খ্রে করি অমত্তা উদ্রে নেহৈ
হো খুরা ঐখোয়্ সিদা লৈজৈয়ে
নুংশিত্না মৈসু মুত্খ্রে
ফুঙ্গাদা মৈ লৈবনে
অমুক্তা কাম্খত্পিরক্ও উননবা
তোক্পদো মা মাদুনা ফুঙ্গা মনাক্তা চঙ্খ্রেদো
অদুদৈ ফুঙ্গাগী ৱামৈদুদা মৈ হৌগদৌরিবনি হায়্দুনা ফ্রু ফ্রু অমুক্তং কামী্
ঙসাই ৱামৈমরক্তা ফুঙ্গাদা লোত্লম্বা য়েরুম্দুনা মতাং চারে হায়্দুনা ফোক্ লাউনা অমুক্তং কায়্রক্পবু তোক্পগী মমীত্তা উত্কী উত্ ঙাক্তা চঙ্খ্রেদো
তোক্পনা খংবোই করিবোই শিরে শিরে হায়্না লাউরদুনা ঈশিংনা মমায়্ তাথোক্কে হায়্দুনা খোঙ্হাম্বুন্দা মখুত্ শত্ থিংজিন্খিবু মনুংদা লুম্দুনা লৈরম্বা ঙাক্রানা মচিনা ফ্রত্ হাইরক্তুনা তোক্পগী মখুত্ অদু থবত্ থবত্ তত্তুনা ঈ ওরো ওরো থোক্এদো
মখুত্না মখুত্ তত্পনে মমীত্তনা উত্চঙ্বনে মমায়্ অদু তৈথোক্কে হায়্দুনা কাঙ্খল্ তাপ্ পায়্রুবু কাঙ্খল্দা থেত্লম্বা য়েতুম্দুনা চক্ চক্ হেক্তা য়ুরক্পদগী ঈ ফ্রু ফ্রু থোক্এদো
তোক্পদো ইহিং নাহিং শারে
শিবা তারে করম্নো মপাল্ থোক্খ্রগে হায়্দুনা থোঙ্লোম্দা পরপ্ পরপ্ হেক্ চেন্থোরক্পা থোঙ্জিন্ ফত্ কান্থোরক্পদা মথক্কী থোঙ্বান্বা লোত্তুনা লৈরম্বা নোয়্চাউখ্রবা তোর্বোত্তুনা তোক্পগী ময়াঙ্লেন্দা বোপ্ হেক্থারক্পদা তোক্পা মখৱাঙ্ থেক্ তেক্এদো
মখৱাঙ্ তেক্না তেক্না শ্রো শ্রো চিংদুনা দারীদগী ফত্ চোংথরক্পদা শূম্বল্ লৈরম্দুনা শূম্বন্দা দোং লাওনা থেংদুনা লৈবাক্তা পোদ্রোপ্ তুরেদো
ঙসাইদগী তান্জা য়েংদুনা শাইজিন্দা লোত্তুনা লৈরম্বা থেঙ্গু য়াইওইবদুনা ফত্ চোংথোরক্তুনা তোক্পগী মকোক্তা বোপ্ থোম্বদগীদি তোক্পা মকোক্ কায়্দুনা শিরেদো
তোক্পনা শিরবদৈদি য়েন্বা লাবা অমোম্অনীদু য়েক্ন তিংখং লৈতনা মরুপ্ মপাং শিংগা লোয়্ননা নুংঙাইনা পান্খিবোইরে
পুক্চেল্ ফত্তবদি অরেম্বদা মাঙ্দুনা তোক্ই
মবুক্চেল্ ফত্তবা তোক্পদো ময়াম্না হাত্তুনা মী শি চাদনা শিখি
লম্হূইগী তাত
থায়্না মমাংঙৈদা উমং অমদা শিংখ্রবা লম্হূই অমা লৈরম্বোইরে
উমং অদুমক্তদা চাউরবা লাইরেল্ অমসু মচা ময়াম্গা লৈরম্বোইরে
নোংমদি লম্হূই অদুনা অসুম্ কোয়্থোরক্পদা লাইরেন্ মপীদুগা মচাশি্গা মচিন্জাক্ থিরুবগী হল্লক্পদু হেক্থেংনরুরে
নোয়্ পেল্লবা লাইরেন্ মচাশিংদু উবদা লম্হূইদু চানিংবনা মতিল্ কুত্ কুত্ হেক্ য়োত্পোইরে
অদুনা মতৌ করম্ তৌদুনা লাইরেন্ মচাশিং অসি চাসিগে হায়্না ৱাখল্ তৌরেদো অশিংবা লম্হূইনি য়াম্না থুনা লৌশিংঅমা পুথোক্লে
লাইরেন্ মপী অমদি মচাশিংনা লাক্কদবা লম্বি অদুদা লম্হূইনা ফম্লদুনা লাইরিক্ হৈবা শারদুনা লৈরে
মদু উবদা লাইরেন্ মপীনা হংই ইতাও লম্হূই করিনো তৌরিদুবো
লম্হুইনা খুম্ই পান্জি য়েংঙিনিনে
পান্জিদি কম্হাইনা য়েংই লাইরিক্ তম্মগা হৈরগা য়েংগদবনি
লায়্রেন্দু মচাশিংবু পান্জি য়েংবা হৈননবা লাইরিক্ তম্হন্নিংঙবোইরে
ঙাইহাক্ খল্লুরগা হায়্রক্ই ইতাউ ঐগী ইচা ময়াম্সে পান্জি য়েংবা হৈননবা লাইরিক্ খরা তম্বিয়ুনে
লম্হুইদু ঈরুজনিংবগা থোংগ্রা তেক্পগা মান্নরবোইরে মপুক্নিংদা হরাওবনা লোইরে অদুবু অশিংবনিনা তাত্ তৌশিন্নৈ হায়্রক্ই খঙ্দেনে ঐবু থবক্ চিন্বসিদা কুথি য়েংবা করি তৌবা ময়াম্ অমা লৈবসিদা মতম্বু শংগনি থজদেনে মরুপ্
অদু ওইরসু নচানেদনা খন্বিয়ু তম্বীদবা য়াদ্রবনি ঐদি লাইরিক্ হৈবা পান্জি য়েংবকাইসি ওন্থোক্না পাম্জখ্রপোত্নি
অদু ইতাও য়ুম্দ অদুম্ লৈবিয়ু
ঐ অঙাংশিং থজরক্কে অয়ুক্ খুদিংগী খরা খরা তম্বিয়ু
লাইরেন্গী ৱাসি তাবদা লম্হূই হরাওবগী ঙম্খৈ লৈখিদ্রে অদুবু উত্তি উথোক্তে খরা তন্বা লেম্থোক্পা শাজিন্নদুনা হোয়্ য়েংসি হায়্না খুম্লম্লগা চত্খ্রে
মথং নুমিত্ নোং ঙাল্লক্পদা লাইরেন্ মচাশিংদু লম্হূই ময়ুম্দা লৈ্রিক্ তম্বা লাক্এদো
লম্হূইনা করি করিনো খরা তাক্শিন্নরগা ঙসিদি লোইরসি অঙাংশা হয়েং ঙন্তা লাক্উ হায়্রগা থদোক্খ্রে
লাইরেন্ মচাশিংদু থোঙ্ অখুবা অদুদা মথং মথং অমমম্ থোক্খিবদা লম্হূইনা মমৈ ইথং থংবদু ফরগা চথোক্খ্রে
অসুম্ তৌ তৌদুনা নুমিত্ খুদিংগী মনীং ইথং থংবা অমমম্ ফাদুনা চারক্পনা লাইরেন্ মচা অমতা লৈত্রে লম্হূইগী খয়াত্তা লোইনা চঙ্খ্রে
অশিংবা লম্হূইদি নুমিত্খুদিংগী অয়ুক্তা লাইরেন্ মচা অমমম্ চরা তম্ তম্দুনা চরক্পদা মশা অদু ওক্পীমুক্ নোইরে
অপঙ্বা লাইরেন্দি পোত্মাঙ্ লোল্লগা খঙ্ই হায়্বগুম্ মচা ময়াম্ মাঙ্খ্রবা মতুংদা লম্হূইগী লৌশিংদু খঙ্লক্এদো
নোংমা অয়ুক্ লম্হূই হাত্কনি হাত্কনি লাইরেন্দু লম্হূই মকোন্দা চঙ্লক্তুনা কোয়্থি থিরবোইরে
অশিংবা লম্হূইনা মসি হান্না খঙ্লদুনা নাথৈদুনা লৈরে
লাইরেন্না লৈরেন্ন লৈরিঙৈদা লম্হূইদু লাক্এ অদুনা অশিংবা শানিনা চিংনরদুনা য়ুম্ লোম্দা ওন্শিল্লগা হো য়ুম্ হো য়ুম্ হায়্দুনা হন্না হন্না কৌরক্পদা অহান্বদা খুম্লম্দবা লাইরেন্দো অকোন্বদদি খুম্বনা চুম্দৌমাল্লে হায়্দুনা হোয়্ লৈয়ে চঙ্বিরক্ও হায়্ন অ খুম্মুরে
লম্হূইদো য়েক্নবা লৈরে হায়্দুনা মমৈ তেক্খত্তুনা চেন্খ্রে
লৌশিং শিংবা তাত্ হৈবা লম্হূইনা নান্থোক্তুনা মথৱায়্ হিংনবা চেন্খ্রবদা লাইরেন্দো অচ্চা লাক্চৈদা হায়্রম্লগা মকোল্ তম্না চত্খিদুনা তান্জা চাবা অমা ঙাইদুনা লৈখ্রবোইরে
নোংমদি তুরেল্ ৱাংমদা লম্হূইদো তুরেল্ লাল্লক্কদবগী শেম্ শাদুনা লৈবদু লাইরেন্দুনা হেক্ উরুরে
লাইরেন্না খল্লি নুংঙাইরেদা ঙসিদি তান্জা চারে লম্হূইদি অপুম্ অশা য়াম্না পাম্মি ঐ শন্ অশিবা শারগা মানা লেপ্লিবা মপা অসিৱাইদা তাউরুরগে অসুম্না লাইরেন্দুনা শন্ অশিবা শারদুনা তুরেন্গী ঈচেল্দুদা অসুম্ তাউথরক্তুনা লম্হূইনা লৈরিবা মপা অদু য়ৌরক্এ
তাউথরক্ইবা শন্ অশিবদূ উবদা অশিংবা লম্হূইনা লৌশিং তৌদুনা মগী চিংনবা কোক্নবা হায়্রক্পোইরে হো শন্ অশিবা অশোম্দা লাও ঐগী নাক্তা চঙ্শিল্লক্উ
লম্হূইনা কৌবদু তাবদা অপঙ্বা লাইরেন্দো লম্হূই মনাক্তা তপ্না তপ্না চঙ্শিল্লক্এ
মদু উবদা লম্হূইনা থীনা চৈরক্পোইরে অপঙ্বা লাইরেন্ নঙ্না তৌজ শারি পুম্নমক্তো ঐ লোইনা খঙ্ই অপঙ্বা নহাক্না অশিংবা লম্হূই ঐবু হাত্কনি হোত্নজবা শারি নতৌদুননি নচাশিং ঐনা লোইনা চথোক্পিবদো অসি হায়্রম্লগা লম্হূইদো চত্খ্রে
লাইরেন্দো তক্শি শোন্দুনা লৈহৌরে
নোংমাসু উমংদা লম্হূইনা মচিন্জাক্ থিবা অসুম্ থোরক্পদা লাইরেন্দু কোক্ হেক্ থেংনরেদো
অনীদু মীত্চানদুনা মমায়্ মমায়্ ঙাইহাক্তং ওন্শিন্নদুনা লৈরম্বদগী লম্হূই ঙসিদি ঐ লাইরেন্না উম্দুনা শিবা তারে হায়্দুনা মানা লাক্পা লম্বীদুদা হন্দুনা মনীং তেক্থোক্তুনা অমুক্তং চেন্খিবু লাইরেন্সু শত্ত তান্নখি
লৈ্রেন্না মোংশোঙ্ ময়াম্ শম্দুনা জিরি জিরি তান্নরক্পদা ফংলদুনা লম্হূইগী মমৈ অদু মথোক্ য়ৌনা উম্শিন্খ্রে
লম্হূই চেন্বা ঙম্দনা হায়্রং হাইরং তৌদুনা লৈরে
শিরনি খঙ্লবদা মশা কন্ননবা পাইরক্কী লৌশিং অমা পুথোক্তুনা ইমৈ নত্তে তৌরানি হেক্ হায়্রক্পোইরে
মদুদা থাজরদুনা মানা উম্লম্বা লম্হূইগী মমৈ অদু খংথা হেক্ থদোক্পদা লম্হূইদু ফ্রঙ্ হৌদুনা চেন্খ্রে
খরা চেল্লগা লেপ্তুনা লাইরেন্লোম্দা ওন্শিল্লগা তৌরা নত্তে ইমৈনি হায়্দুনা লক্নরম্লগা চেন্খ্রে
লাইরেন্দু শাউনা অমুক্তং হৌদুনা তান্নববু ফংদ্রে
কান্নররোই খল্লদুনা লাইরেন্দু লম্হূইগী মথক্তা লমন্ খুম্গে হোত্নরম্বদু অদুগী নুমিত্তুদগী তোক্খিবোইরে
ফত্ত লৌশিংদা হৈনবা কাঙ্বুদি মতম্লৈবা খিবিক্তা ফত্ত লৌশিংতা তৌদুনা লৈ