Main Page

.View the website in ENGLISH

सा-सानजा भारतनि रावफोरखौ बै गुदु हालामनि सुबुंफोरनि थाखाय इलेक्ट्रनिक दाजेम बाहायनानै बिजिरनो हाथाव आरो मोननो हाथाव खालामनो थाखाय आइ, आइ, टि, गुवाहाटीनि रिसर्स सेन्तार फ’र इन्डियान लेंगुएज टेकन’ल’जि सल्युशन (भारतारि रावनि बाहाय बिगियानारि सुफुंथायनि फुंखा थावनि) (RCILTS)-आ ओंथिगोनां हाबाफारि लादों। आइ, आइ, टि, गुवाहाटीजों बिथा होजानाय आरो एम, आइ, टि, (थथ्य बाहाय बिगियान मन्थ्रि आफाद, भारत सोरखार)-जों रांखान्थियारि मदद होजानाय बे बिथांखिया इंराजि-असमिया-बर’ थाम रावारि बिजिरनाय लिग रावथुन (trilingual tagged parallel corpora of English-Assamese-Bodo) सोरजिनो थांखि लादों।

सा-सानजा भारतनि मिथिजाबाङि रावफोरखौ इलेकट्रनिक दाजेमाव बाहायनाय आरो इन्टारनेटाव बाहायनायनि थाखाय बेबादि रावथुननि गुना गले गले मुंख’जाथाव। बे डिजितेल रिभल्युशननि मुगायाव बर’ बादि रावनि जौगानायखौ मान होनायनि बेयो मोनसे जोबोद मावफुंथाव राहा।

गुबुन गुबुन रावाव दानस्लायनाय रावथुनफोरखौ बुजायनो थाखाय राव बिगियानाव लिग रावथुन (parallel corpora) मुंखौ बाहायनाय जायो। राव दानस्लायनायनि फोथाराव लिग रावथुनहा जोबोरैनो गुन गोनां। मानोना, बेबादि रावथुननि दाजेमारि राव दानस्लायनाय खान्थिनि फारि सोलोंथायजों बेयो मोनसे रावनिफ्राय गुबुन मोनसे रावसिम गावनो गाव राव सोलायनायनि जोगाखांनायखौ दैदेनो।

बिथांखिनि सोद्रोमाफोरा रावथुन बिजिरनाय हाबाफारिनि अनगायैबो बिथांमोननिनो गोख्रों हेफाजाबाव जोंनि बिथांखि हान्जायाव थानाय सासे कम्पिउटार गोनोखोआरिया मोनसे सोदोबमा बिजिरग्रा (POS Tagger) सोरजिगासिनो दं जायखौ इयुनाव अनलाइन बाहायनो हानाय खाबु खालामनानै होनाय जागोन जाहाथे बिजिरनाय बर’ रावथुन सोरजिनायाव बर’ राव रायग्रा हारिमानिफ्राय जों बिहोमा मोननो हायो। उननि हाबाफारि बादियै बे दाजेमारि आयजेंखौ जों भारतनि गोबां रावफोरनि बेलायाव बाहायनो हाथाव खालामनो नाजागोन।